මේ අතර මෙරට දී භාවිත කරන සියලු කොරෝනා මර්ධන එන්නත් වල කර්යක්ෂම තාව සොයාබැලීම සඳහා පරීක්ෂණ ආරම්භ කළ බව ශ්‍රී ජයවර්ධනපුර විශ්වවිද්‍යාලයේ ආසාත්මිකතා ප්‍රතිශක්ති විද්‍යාව හා සෛල ජෛව විද්‍යා ආයතනයේ අධ්‍යක්ෂ ආචාර්ය චන්දිම ජිවන්දර මහතා ප්‍රකාශ කරයි.
දැනට භාවිතා කරන සෑම එන්නතක් පිළිබඳවම පරීක්ෂණ සිදු කරන බව සෛල ජෛව විද්‍යා ආයතනයේ අධ්‍යක්ෂවරයා පවසයි. තවද අවසන් වාර්තාවක් සකස් කර එය ප්‍රසිද්ධ කරන බව ද ඔහු සඳහන් ක‌ළේ ය.
මේ අතර කොරෝනා වෛරසයේ වෙනස් වීම මෙන්ම මෙරට ව්‍යාප්ත වී ඇති නව ප්‍රභේද පිළිබඳ සෙවීමට ද පරීක්ෂණ ආරම්භ කර ඇති බව ද ආචාර්ය චන්දිම ජීවන්දර මහතා පවසා ඇත.
-පංචාලි අබේසේකර
