ස්වාභාවික වායු පර්යන්තයක් ඉදිකිරීම සඳහා කෙරවලපිටියේ යුගධනවී බලාගාරයේ කොටස්වලින් සියයට 40ක් එක්සත් ජනපද සමාගමකට අලෙවි කළ බව ප්‍රකාශයට පත්වීමත් සමග ‘නිව් ෆෝට්රස්’ සමගම මේ බව නිවේදනය කර ඇත.
මෙගාවොට් 350ක විදුලි බලාගාරයක් “ඒකාබද්ධව සංවර්ධනය කිරීම” සඳහා ශ්‍රී ලංකාවේ එල්ටීඑල් සමූහයේ අනුබද්ධ ආයතනයක් වන ‘ලක්දනවි ලිමිටඩ්’ සමඟ අවබෝධතා ගිවිසුමක් අත්සන් කර ඇති බව ‘නිව් ෆෝට්රස්’ සඳහන් කරයි.
“මෙම හවුල්කාරිත්වය තුළින් ශ්‍රී ලංකාව පිරිසිදු හා ලාභදායී බලශක්තිය කරා මාරුවීම වේගවත් කිරීමට උපකාර කිරීමට අපි බලාපොරොත්තු වෙමු.”යැයි නිව් ෆෝට්රස් බලශක්ති සමාගමේ සභාපති සහ ප්‍රධාන විධායක නිලධාරී වෙස් එඩන්ස් පවසා ඇත.
මෙගාවොට් 350ක ධාරිතාවයකින් යුත් එල්එන්ජී(LNG) ද්විත්ව ඉන්ධන බලාගාරයක් සඳහා එල්ටීඑල් සමාගම මේ වන විටත් ශ්‍රී ලංකා රජය සමග වසර 20 ක බලශක්ති මිලදී ගැනීමේ ගිවිසුමකට එළඹ තිබේ.
