අධ්‍යාපන අමාත්‍යාංශය සඳහන් කළේ සියලුම විශ්වවිද්‍යාල සිසුන්ට ද එන්නත් ලබාදෙන ලෙස උපකුලපතිවරුන් අමාත්‍යවරයාගෙන් ඉල්ලා සිටි බවයි.
ඒ අනුව ඊට අවශ්‍ය කටයුතු සලසා දෙන ලෙසත් වෛද්‍ය නිර්දේශ මත සිසුන්ට එන්නත් ලබාදීම කඩිනමින් කරන ලෙසත් උපකුලපතිවරුන් අධ්‍යාපන අමාත්‍යවරයාගෙන් ඉල්ලා තිබේ.
කොවිඩ් -19 වසංගත තත්ත්වය හමුවේ විශ්වවිද්‍යාලවල මාර්ගගත ක්‍රමයට සිදුකරන අධ්‍යයන කටයුතුවල ප්‍රගතිය සොයාබැලීම සඳහා පැවැති සාකච්ඡාවක දී උපකුලපතිවරුන් එම ඉල්ලීම සිදුකළ බව අධ්‍යාපන අමාත්‍යාංශය සඳහන් කළේය. ඒ අනුව මාර්ගගත අධ්‍යාපන ක්‍රමයේ පවතින ගැටලු මෙන්ම ඉදිරියේදී පැවැත්වීමට නියමිත විභාග සෞඛ්‍ය ආරක්ෂිත ලෙස සිදුකළ යුතු ආකාරය පිළිබඳවත් මෙහිදී දීර්ඝ ලෙස සාකච්ඡා කර තිබේ.
-පංචාලි අබේසේකර
