ශ්‍රී ලංකාවට ලබාදී ඇති ජීඑස්පී ප්ලස් සහනය ඉවත් කළයුතු බවට යෝජනාව සම්මත කර ගැනීමෙන් පසුව ශ්‍රී ලංකාවේ සැබෑ තත්ත්වය දැකගැනීම සඳහා නියෝජිත කණ්ඩායමක් මෙරටට එවන ලෙස ශ්‍රී ලංකා රජය ද යුරෝපා සංගමයෙන් ඉල්ලීමක් කර ඇත.
සෑම වසර දෙකකට වරක් ජීඑස්පී ප්ලස් සහනය ක්‍රියාත්මක වන ආකාරය සොයාබැලීමට යුරෝපා සංගමය අධීක්ෂණ කණ්ඩායමක් මෙරටට පැමිණෙන අතර මෙවර එම පැමිණීම විශේෂ වන්නේ මෙරටට ලබාදී ඇති සහනය තාවකාලිකව අහෝසි කිරීමට යෝජනාවී ඇති බැවිනි.
මේ අතර යෝජිත ජීඑස්පී සහනය ඉවත් කර ගැනීම සම්බන්ධයෙන් වෘත්තීය සමිතිවල අදහස් විමසීමේ අරමුණින් යුරෝපා සංගම් රටවල්, එක්සත් ජනපදය, ඕස්ට්‍රේලියාව සහ ජපානය යන රටවල නියෝජිතයන් 20 දෙනකුගෙන් සමන්විත පිරිසක් පසුගිය සතියේ මෙරට ඇඟලුම් ක්ෂේත්‍රයට සම්බන්ධ වෘත්තීය සමිති නියෝජිතයන් සමග විශේෂ සාකච්ඡාවක් පවත්වා ඇත.
-පංචාලි අබේසේකර
