විශේෂඥ වෛද්‍ය සුසි පෙරේරා මහත්මිය මෙම අදහස් පලකළේ අද (25) පස්වරුවේ සෞඛ්‍ය ප්‍රවර්ධන කාර්යාංශය කැඳවා තිබූ මාධ්‍ය හමුවකදීයි. ජනතාව වගකීමෙන් කටයුතු නොකළහොත් දිවයිනට යළි සංචරණ පැනවීමේ තත්ත්වයක් ඇති වනු ඇතැයි විශේෂඥ වෛද්‍ය සුසි පෙරේරා මහත්මිය වැඩිදුරටත් සදහන් කරයි.
මෙම සතිඅන්තයේදී සංචරණ සීමා ක්‍රියාත්මක නොකිරීමට කොවිඩ් කාර්ය සාධක බලකාය තීරණය කර තිබේනවා.
රාජ්‍ය අමාත්‍ය චන්න ජයසුමන මහතා පැවසුවේ කොවිඩ් කාර්ය සාධක බලකාය අද (25) රැස්වූ අවස්ථාවේදී මෙම තීරණය ගෙන ඇති බවයි.
කෙසේ වෙතත් පළාත් අතර සංචරණ සීමා ඒ ආකාරයෙන්ම ක්‍රියාත්මක බව අමාත්‍යවරයා සදහන් කරයි. මේ වන විට රට පවත්වාගෙන යන ආකරයට ඉදිරියටත් කටයුතු කරන බව රාජ්‍ය අමාත්‍ය චන්න ජයසුමන මහතා වැඩිදුරටත් පැවසීය.
-පංචාලි අබේසේකර
