සතොස අත්‍යවශ්‍ය සේවාවක් බවට ගැසට් කිරීම හේතුවෙන් මෙම තීරණය ගත් බව අමාත්‍යවරයා පැවසීය.
ඒ අනුව ජංගම වෙළෙඳුන්ට සතොස මගින් අඩු මිලට භාණ්ඩ මිලදී ගෙන අලෙවි කිරීමේ හැකියාව පවතින බවද බන්දුල ගුණවර්ධන අමාත්‍යවරයා සදහන් කර ඇත.
සීමාසහිත ලංකා සතොස, සමූපකාර තොග වෙළෙඳ සංස්ථාව, ආහාර කොමසාරිස් දෙපාර්තමේන්තුව, සමූපකාර සංවර්ධන දෙපාර්තමේන්තුව සහ සමූපකාර සමිති මඟින් ඉටු කරනු ලබන සියලුම ආහාර පාන ද්‍රව්‍ය ඇතුළු ජනතාවගේ අත්‍යවශ්‍ය අනෙකුත් සියලුම පාරිභෝගික ද්‍රව්‍ය සැපයීම, ගබඩා කිරීම, බෙදා හැරීම හා නියාමනය සම්බන්ධයෙන් අවශ්‍යයෙන් කළ යුතු යැයි නියමිත සියළුම සේවා වැඩ හෝ ශ්‍රම යෙදවීම් අත්‍යවශ්‍ය සේවා කාණ්ඩයේ ලා සැලකිය යුතු බවට ප්‍රකාශයට පත් කෙරුණා.
ඒ අනුව ඊයේ මධ්‍යම රාත්‍රියේ සිට සියළු සතොස අලෙවිසැල්, ගබඩා සංකීර්ණ විවෘතව තැබිය යුතු බවට වෙළෙඳ අමාත්‍ය ආචාර්ය බන්දුල ගුණවර්ධන විසින් ආයතන ප්‍රධානීන් හා නිලධාරීන් වෙත උපදෙස් හා නියෝග ලබා දී ඇති අතර අමාත්‍යතුමාගේ උපදෙස් මත වෙළෙඳ අමාත්‍යාංශය විසින් ඊට අදාළ අනෙකුත් ක්‍රියාමාර්ග ගනු ලැබේ.
-පංචාලි අබේසේකර
