එසේම මේ සඳහා තමන්වහන්සේ නායකත්වය ලබාදෙන බවද ඊට එක්වන ලෙස සියලු ධීවර සංවිධාන වලින් ඉල්ලා සිටින බවද උන්වහන්හේ පැවැසූහ.
නැවෙන් දුමාරයක් එන්න පටන් ගත් මොහොතේදී හෝ එය ගැඹුරු මුහුදට ගෙන යාමට හෝ නැව ප්‍රතික්‍ෂේප කිරීමට රජය ක්‍රියා මාර්ගයක් ගෙන නොතිබුණු බවයි කොළඹ අගරදගුරු නිල නිවසේ පැවැති මාධ්‍ය හමුවකදී කාදිනල් හිමියන් ප්‍රකාශ කළේ.
නැව ගිලාබැස්සුවොත් විශාල විනාශයක් සිදුවී ධීවර ජනතාවට දැඩි හානියක් සිදු වන බවද කී කාදිනල් හිමියෝ ඊට ඉඩ දීමට තමන් කිසිදු සූදානමක් නැතැයි ද කියා සිටියේය.
කොළඹ වරායට ආසන්න මුහුදේ දී ආපදාවට ලක් වූ “එක්ස් - ප්‍රෙස් පර්ල්” නෞකාව ගැඹුරු මුහුදට රැගෙන යාමට ජනාධිපති ගෝඨාභය රාජපක්ෂගේ ප්‍රධානත්වයෙන් පසුගියදා පස්වරුවේ ජනාධිපති කාර්යාලයේ දී පැවති විශේෂ හමුවේදී තීරණය වීමෙන් අනතුරුව නෞකාව ගැඹුරු මුහුදට ඇදගෙන යාම ඊයේ දිනයේ සිදු කර ඇත.
ගනු ලැබූ තීරණය තාක්ෂණික කරුණු මත පමණක් පදනම් විය යුතු බව සහ දේශපාලන කාරණා ඒ සඳහා අදාළ කර නොගත යුතු බව ජනාධිපතිවරයා සඳහන් එහිදී සදහන් කර ඇත.
මේ අතර ‘එක්ස්ප්‍රස් පර්ල්’ නෞකාවේ පිටුපස කොටසේ ඇති වූ ජල කාන්දුවක් හේතුවෙන් එම නෞකාව මේ වන විට ගිලෙමින් පවතින බව සමුද්‍රීය පරිසර ආරක්ෂණ අධිකාරිය පවසයි.
-පංචාලි අබේසේකර
