එම උපදේශක සභාව ඊයේ (18) දින පාර්ලිමේන්තු කමිටු ශාලා අංක 02හි දී රැස්විය. පාර්ලිමේන්තු ස්ථාවර නියෝග 112හි විධිවිධාන ප්‍රකාරව කාරක සභාව වෙත යොමු කළ කරුණු සම්බන්ධයෙන් සාකච්ඡා කරන අතරතුර අමාත්‍යංශ ලේකම්තුමා ඇතුළු නිලධාරීන්ට අගමැතිවරයා මෙම උපදෙස් ලබා දී ඇත.
ඉඩම් සංවර්ධනය කිරීමේ සංස්ථා පනතෙහි සංශෝධන කෙටුම්පත නාගරික සංවර්ධන හා නිවාස අමාත්‍යංශ ලේකම් සිරිනිමල් පෙරේරා මහතා මෙහි දී උපදේශක කාරක සභාවට ඉදිරිපත් කළේ ය.
ගාල්ල සහ දිවුලපිටිය ප්‍රදේශවල වතු ආශ්‍රිත පැල්පත් නිවාස පිළිබඳ ව මන්ත්‍රීවරුන් පෙන්වා දුන් කරුණු කෙරෙහි අවධානය යොමු කරමින් එම ප්‍රදේශවලට නව නිවාස යෝජනා ව්‍යාපෘති සැලසුම් කරන ලෙස ද අමාත්‍යංශ නිලධාරීන්ට අගමැති මහින්ද රාජපක්ෂ විසින් උපදෙස් දී තිබේ.
මෙම අවස්ථාවට උපදේශන කාරක සභාව නියෝජනය කරන රාජ්‍ය අමාත්‍ය ඉන්දික අනුරුද්ධ, පාර්ලිමේන්තු මන්ත්‍රීවරුන් වන ප්‍රේමනාත් සී. දොලවත්ත, ප්‍රමිත බණ්ඩාර තෙන්නකෝන්, කෝකිලා ගුණවර්ධන, නාගරික සංවර්ධන හා නිවාස අමාත්‍යංශයේ ලේකම් සිරිනිමල් පෙරේරා, නාගරික සංවර්ධන අධිකාරියේ සභාපති හර්ෂාන් ද සිල්වා යන මහත්ම මහත්මීහු ඇතුළු නිලධාරී පිරිසක් එක්ව සිටියහ.
-පංචාලි අබේසේකර
