බදුල්ල දිස්ත්රික්කයේ ඡන්ද හිමි නාමලේඛණයේ පුද්ගලයින් 40,350 කගේ ජාතික හැඳුණුම්පත් අංක සටහන් නොවන අතර තිස් දහසකට ආසන්න පිරිසකට හැඳුණුම්පත් කිසිවක් හෝ නොමැති බවට විශ්වාස කෙරේ. පුද්ගලයින් ලියාපදිංචි කිරීමේ දෙපාර්තමේන්තුව, නිදහස් හා සාධාරණ මැතිවරණයක් සදහා වූ ජනතා ව්යාපාරය (කැෆේ සංවිධානය) සහ ශ්රි ලංකා මානව හිමිකම් කේන්ද්ර ය විසින් මෙම ජංගම සායන මගින් මෙම ඡන්දදායකයින් පිරිසට පහසුකම් සැපයෙනු ඇත.
ජාතික හැඳුණුම්පත් සහ මැතිවරණ දෙපාර්තමේන්තුව මගින් නිකුත් කරනු ලබන විශේෂ හැඳුණුම්පත් සදහා අවශ්ය ඡායාරූප, මුද්දර ගාස්තු ඇතුඵ අනෙකුත් පහසුකම් සියල්ල මෙම සායන වලින් නොමිලේ සැපයේ. අනන්යතා සහතික සඳහා අවශ්ය උප්පැන්න සහතික ඇතුළු වෙනත් පහසුකම් ද මෙම සායන ඔස්සේ සැපයේ.
ඌව පරණගම (අගෝස්තු 19), ඇල්ල (අගෝ. 20), බණ්ඩාරවෙල (අගෝ. 21 සහ 22) සහ හපුතලේ (අගෝ. 23) දින සායන පැවැත්වේ.
