භූමිතෙල් සහනාධාරය අවභාවිතයකින් තොරව සෘජුව ම ගොවීන්, ධීවරයින් ඇතුළු ඉලක්කගත ප්‍රතිලාභීන් වෙත ලබාදීමට ඇති හැකියාව පිළිබඳව සොයා බලන ලෙසත් ඊට අදාළ ක්‍රමවේදයක් සකස් කරන ලෙසත් අදාළ නිලධාරීන්ට එහි දී අග්‍රාමාත්‍යවරයා උපදෙස් දී තිබේ.
එමෙන්ම අග්‍රාමාත්‍යවරයා තෙල් සංස්ථාව විසින් රාජ්‍ය බැංකුවලින් ලබා ගන්නා ණය ඩොලර් වෙනුවට රුපියල්වලින් ලබා ගැනීමේ හැකියාව රාජ්‍ය බැංකු සහ මහ බැංකුව සමඟ සාකච්ඡා කරන මෙන් රාජ්‍ය අමාත්‍ය අජිත් නිවාඩ් කබ්රාල්ට එහිදී දැනුම් දී ඇත.
මෙම අවස්ථාව සඳහා අමාත්‍ය මණ්ඩල අනු කමිටුවේ සාමාජික අමාත්‍යවරු වන උදය ගම්මන්පිල, ඩලස් අලහප්පෙරුම, ඩග්ලස් දේවානන්ද, ප්‍රසන්න රණතුංග, රාජ්‍ය අමාත්‍ය අජිත් නිවාඩ් කබ්රාල් යන මහත්වරු සහ මුදල් අමාත්‍යංශ ලේකම් එස්. ආර්. ආටිගල ඇතුළු විෂය භාර අමාත්‍යාංශවල ලේකම්වරු සහ රාජ්‍ය නිලධාරීහු රැසක් එක් වී තිබේ.
-පංචාලි අබේසේකර
