පාර්ලිමේන්තු මන්ත්‍රී අශොක් අබේසිංහ සිදුකළ ප්‍රකාශය පිළිබඳව අපරාධ පරීක්ෂණ දෙපාර්තමේන්තුව විමර්ශන ආරම්භ කර තිබේ.
අදාළ ප්‍රකාශය ද්වේෂ සහගත සහ අසත්‍ය ප්‍රකාශයක් බව පවසමින් පාර්ලිමේන්තු මන්ත්‍රීවරුන් 06 දෙනෙකු විසින් අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කර තිබුණි.
කෙසේ වෙතත් මන්ත්‍රීවරයා සදහන් කර ඇත්තේ අද දින පාර්ලිමේන්තු දිනයක් හේතුවෙන් පැමිණිමට නොහැකි බවයි. ඊයේ දිනයේද මන්ත්‍රීවරයට සී.අයි.ඩි යට පැමිණෙන ලෙස දැනුම් දී තිබුනද ඔහු ඊයේ දිනයද මගහැර ඇති බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ සදහන් කරයි.
මේ අතර අශෝක් අබේසිංහ මන්ත්‍රීවරයාගේ ප්‍රකාශය සම්බන්ධයෙන් පුර්ණ විමර්ශනයක් සිදුකරන ලෙස ඉල්ලා නිශ්ශංක සේනාධිපති අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කර ඇති බවත් වාර්තා වේ.
-පංචාලි අබේසේකර
