අමාත්‍යවරයා මේ බව සදහන් කර ඇත්තේ කොළඹ පැවැති මාධ්‍ය හමුවකට එක්වෙමිනි.
අමාත්‍යවරයා පවසන්නේ ඊට අදාළ නීති අණපනත් ද සංශෝධනය කිරීමට කටයුතු කරන බවයි.
මේ පිළිබදව අදහස් දැක්වූ අමාත්‍ය සරත් වීරසේකර ,
"ග්‍රෑම් 2ක් තියා ගත්තොත් මරණීය දණ්ඩනය නියම වෙන්නේ. නමුත් සමහර ග්‍රෑම් 2ක හෙරොයින් ක්ෂුද්‍ර බර මිලිග්‍රෑම් 100ක්වත් නෑ. රසපරීක්ෂක වාර්තාව එනකම් අදාළ පුද්ගලයා වසර එකහමාරක් පමණ කාලයක් බන්ධනාගාරයේ ඉන්නවා. ඒ කාලය තුළදී ඔහු දරුණු අපරාධකරුවෙක් වෙලා තමයි එළියට එන්නේ. ඒ නිසා අපි මීට පස්සේ, මත්ද්‍රව්‍යවලට ඇබ්බැයි වෙච්ච අයව බන්ධනාගාරගත කරන්නේ නැතුව ඔවුන්ව කෙලින්ම පුනුරුත්ථාපනයට යවනවා. ඒකට නීති සංශෝධනය කරනවා." යනුවෙන් සදහන් කර තිබේ.
-පංචාලි අබේසේකර
