මෙම තීරණයට හේතුව ලෙස තැපැල් දෙපාර්තමේන්තුව සදහන් කරන්නේ දෙපාර්තමේන්තුවේ අලාභය අවම කර ගැනීමත් දෙපාර්තමේන්තු ක්‍රියාවලිය සඳහා නව ක්‍රමවේදයක් සකස් කර ගැනීමටත්ය.
සාමාන්‍ය ලිපියක් සඳහා මුද්දර ගාස්තුව රුපියල් පහළොවක් වන නමුත් ඒ සඳහා දෙපාර්තමේන්තුවට රුපියල් විසි දෙකයි ශත හැත්තෑ පහක් වැය වන බවත් ශීඝ්‍රගාමී තැපැල් සේවාව සඳහා දෙපාර්තමේන්තුව රුපියල් පනහක් වැනි අඩු මුදලක් අය කළ ද පෞද්ගලික අංශය ඒ සඳහා රුපියල් දෙසිය පනහක් පමණ අය කරන බවත් දෙපාර්තමේන්තු නිලධාරීන් පවසා සිටි.
එසේම තැපැල් සේවාවේ අනෙකුත් ගාස්තු ද ඉතාම අවම මට්ටමක හේතුවෙන් දෙපාර්තමේන්තුව දිගින් දිගට ම අලාභ ලබමින් තිබීම නොවැළැක්විය හැකි බව තැපැල් දෙපාර්තමේන්තුව සදහන් කරයි.
ගාස්තු සංශෝධනය සඳහා ලබන මාසයේ දී නව යෝජනා අමාත්‍යාංශයට ඉදිරිපත් කරන බවත් තැපැල් සේවාවේ සුබසිද්ධිය වෙනුවෙන් ඉදිරිපත් කෙරෙන එම යෝජනා පිළිගැනීම නොගැනීම අමාත්‍යාංශයේ කාර්යයක් බවත් නිලධාරීන් පවසයි. ඒ අනුව නව යෝජනා මාර්තු මාසයේ දී ඉදිරිපත් කිරීමට නියමිතය.
-පංචාලි අබේසේකර
