අමාත්‍යවරයා මේ බව සදහන් කර ඇත්තේ කෘෂිකර්ම අමාත්‍යාංශයේ දී ඊයේ (23 වැනිදා) පැවති මාධ්‍ය හමුවකදීය.
එහිදී අදහස් දැක්වූ අලුත්ගමගේ,
'' පොහොර සහනාධාරය ලබන ගොවීන් රජයට වී කිලෝ 1000 ක් දෙන්න ඕනේ කියන තීරණයෙන් අපි ඉවත් වුණා. හැබැයි කීයට වී ගත්තත් නාඩු සහල් කිලෝ එකක් රුපියල් 97 ටත්, සම්බා සහල් කිලෝවක් රුපියල් 99 පාලන මිලටත් වඩා වැඩියෙන් විකුණන්න බෑ. වී අලෙවි මණ්ඩලයට වී දුන්නත් නැතත් පොහොර සහනාධාරයට කිසිදු බලපෑමක් නැහැ .
මෙවර මහ කන්නයේ වී අස්වැන්නෙන් මෙට්‍රික් ටොන් ලක්ෂ හයක් වී අලෙවි මණ්ඩලයට මිලදී ගන්න කැබිනට් මණ්ඩලය තීරණය කළ කරලා තියෙනවා.
මීට පෙර ආණ්ඩුව තීරණය කර තිබුණේ වී මෙට්‍රික් ටොන් ලක්ෂ තුනක් පමණක් මිලදී ගන්නයි.
එමෙන්ම වී අලෙවි මණ්ඩලය මගින් වී තොග මිලදී ගැනීමේදී කිලෝවක මිල රුපියල් දෙකකින් ඉහළ දැමීමටද කැබිනට් මණ්ඩලය තීරණය කරලා තිබෙනවා.
ඒ අනුව රුපියල් 44කට මිලදී ගත් තෙත වී කිලෝවක් රුපියල් 46කටද, රුපියල් 50කට මිලදී ගත් නාඩු වී කිලෝවක් රුපියල් 52කටද, රුපියල් 52කට මිලදී ගත් සම්බා වී කිලෝවක් රුපියල් 54කටද මිලදී ගැනීමටයි තීරණය කර තිබේන්නේ '' යනුවෙන් සදහන් කර තිබේ.
-පංචාලි අබේසේකර
