මෙම තීරණය ගනු ලැබුවේ කොන්දොස්තරවරුන් ඉතිරි මුදල් ලබා නොදුන් බවට මගීන් විසින්ද ඇතැමුන් මුදල් නොගෙවා හොරෙන් ගමන් කරන බවට කොන්දොස්තරවරුන් විසින්ද චෝදනා සිදු කරන බව නිසාත් කොරෝනා වසංගත තත්ත්වයක් තුළ මුදල් හුවමාරුකර ප්‍රවේශපත්‍ර මිලට ගැනීම සම්බන්ධයෙන් ජනතාව අතර බියක් මේ දිනවල පවතින නිසාත් මේ සියල්ල කෙරෙහි අවධානය යොමුකර මෙම පෙර ගෙවුම් කාඩ්පත් ක්‍රමය තීරණය කල බවයි උදය ගම්මන්පිල අමාත්‍යවරයා පවසා ඇත්තේ.
ශ්‍රී ලංකා මහ බැංකුව යටතේ පාලනය වන 100%ක් දේශීය සමාගමක් වන ලංකා ක්ලියර් පෞද්ගලික සමාගම විසින් මෙම පෙර ගෙවුම් කාඩ්පතට අදාළ මෘදුකාංගය නිර්මාණය කරනු ඇත.
බස් රථවල සහ දුම්රියේ ප්‍රවේශපත්‍ර මිලට ලැනීම වෙනුවෙන් මාර්ගස්ථ පෙර ගෙවුම් කාඩ්පතක් හඳුන්වා දීම සඳහා ව්‍යාපෘතියක් ක්‍රියාත්මක කිරීමට අදාළ සියලුම ආයතනවල නියෝජිතයින්ගෙන් සමන්විත මෙහෙයුම් කමිටුවක් පත් කිරීම සඳහා 2018 ඔක්තෝබර් මස 02 දින පැවති අමාත්‍ය මණ්ඩල රැස්වීමේදී අනුමැතිය ලබා දී ඇතැයිද ඇමැතිවරයා ප්‍රකාශ කර තිබේ.
-පංචාලි අබේසේකර
