අමාත්‍යවරයා මේ බව කියා සිටියේය අද (09) පැවති කැබිනට් තීරණ දැනුම්දීමේ මාධ්‍ය හමුවකට එක්වෙමින් මාධ්‍යවේදියෙක් විසින් අසන ලද පැනයකට පිළිතුරු ලබා දෙමිනි.
එමෙන්ම ඒ සඳහා සාකච්ඡා කිරීමට විශේෂිත දිනයක් නුදුරේදීම ප්‍රකාශයට පත්කිරීමට නියමිත බව දඅමාත්‍යවරයා ප්‍රකාශ කර ඇත .
පාස්කු ඉරිදා බොම්බ ප්‍රහාරයේ චූදිතයන් කවුද යන්න සම්බන්ධයෙන් සොයා බැලු ජනාධිපති කොමිසම් සභා වාර්තාවේ නිදේශයන් අනුව නම්කර තිබෙන චූදිතයන්ට එරෙහිව ගන්නා පියවරයන් ගැන ඊයේ දිනයේ කැබිනට් මණ්ඩල රැස්වීමේදී සාකච්ඡාකර තීන්දුවක් ගැනීමට නියමිතව තිබුණි.
පාස්කු ඉරුදින ප්‍රහාරය සම්බන්ධයෙන් විමර්ශනය කළ ජනාධිපති පරික්ෂණ කොමිසමේ අවසන් වාර්තාව ජනාධිපති ගෝඨාභය රාජපක්ෂ වෙත පෙබරවාරි මස 1 වන දින භාර දෙනු ලැබීය.
පාස්කු ඉරිදා ත්‍රස්තවාදී ප්‍රහාර මාලාව විමර්ශනය කර වාර්තා කිරීම සහ ඉන් අනාවරණය වන තොරතුරු අනුව අවශ්‍ය ක්‍රියාමාර්ග නිර්දේශ කිරීම පිණිස හිටපු ජනාධිපති මෛත්‍රීපාල සිරිසේන විසින් 2019 සැප්තැම්බර් 22 වනදා කොමිසම පත්කරනු ලැබීය.
කොමිෂම දින 214ක කාලයක් මුළුල්ලේ 457 දෙනෙකුගෙන් සාක්ෂි සටහන් කර ගෙන ඇත.
-පංචාලි අබේසේකර
