ශ්රී ලංකා තැපැල් හා විදුලි සංදේශ සේවා සංගමයේ ලේකම් චින්තක බණ්ඩාර මහතා පවසන්නේ දින පහකට වැඩි කාලයක් ගත වුවත් පදලංගල තැපැල් කාර්යාල භූමියට කඩා වැදී යකා නැටූ ආණ්ඩුවේ දේශපාලනඥයා සහ ඔහුගේ ගෝල බාලයන්ව අත්අඩංගුවට ගෙන අධිකරණය වෙත ඉදිරිපත් කිරීමට පොලිසියට නොහැකිවූ බවයි.
මෙම මස 13 වැනිදාට පෙර පොලිසිය නීතිය ක්රියාත්මක නොකරන්නේ නම් 13 වැනිදා සිට සබරගමු පළාත තුළත් 15 වැනිදා සිට රට පුරාත් තැපැල් වැඩවර්ජනයක් සිදු කරන බව ඔහු පවසයි
රත්නපුර පදලංගල උප තැපැල් කාර්යාලයට බලහත්කාරයෙන් කඩා වැදී තාප්පය කඩා දමා ඉඩමෙන් කොටසක් බලෙන් අල්ලාගත් ආණ්ඩුවේ දේශපාලනඥයාට සහ ඔහුගේ ගෝල බාලයන්ට විරුද්ධව නීතිය ක්රියාත්මක නොකළහොත් ලබන 15 වැනිදා සිට දීප ව්යාප්ත තැපැල් වර්ජනයක් ක්රියාත්මක කිරීමට තැපැල් වෘත්තීය සමිති එකමුතුව තීරණය කර ඇත.
(දිවයින)
Leave a comment