ඒ අනුව ප්‍රධාන මාර්ගයේ, මුහුදුබඩ මාර්ගයේ සහ උතුරු මාර්ගයේ දුර ගමන් සේවා ධාවනය අද සිට සිදුකෙරේ.
ඒ අනුව,
ගල්කිස්ස සිට කන්කසන්තුරේ දක්වා ධාවනය වන යාල්දේවි දුම්රිය, කොළඹ කොටුවේ සිට කන්කසන්තුරේ දක්වා ධාවනය වන උත්තරදේවි දුම්රිය, කොළඹ කොටුවේ සිට බදුල්ල දක්වා ධාවනය වන පොඩි මැණිකේ දුම්රිය අද සිට සාමාන්‍ය කාලසටහන් අනුව ධාවනය කෙරේ.
මීට අමතරව කොළඹ කොටුව – මහනුවර නගරාන්තර සීඝ්‍රගාමී දුම්රිය, මරදාන – බෙලිඅත්ත දුම්රිය, කොළඹ කොටුව – මාතර සීඝ්‍රගාමී දුම්රිය ද අද සිට සාමාන්‍ය කාල සටහන් අනුව ධාවනය කෙරේ.
මේ අතර ලබන 25 වැනි දා සිට සියලු දුම්රිය සේවා සාමාන්‍ය පරිදි ධාවනයට ද සැලසුම් කර ඇති බවයි දුම්රිය දෙපාර්තමේන්තුව පවසන්නේ.
-පංචාලි අබේසේකර
