බොහෝ රටවල් මෙම එන්නත් තම ජනතාවට ලබාදීම සඳහා අනුමත කරමින් සිටියදී ,මෙම තත්ත්වයත් සමග විවිධ නිදන්ගත රෝග ආදියෙන් පෙළෙන වියපත් අයට මෙම එන්නත් ලබාදීම අනතුරුදායක විය හැකි බවට එරට සෞඛ්‍ය බලධාරීන් නිවේදනයක් නිකුත් කර තිබෙනවා.
ඉතා සාමාන්‍ය මට්ටමේ අතුරු ආබාධ පවා ඇතැම් විට රෝග සහිත දුර්වල සහ වියපත් පුද්ගලයන්ට දරුණු ලෙස බලපෑ හැකි බවත් කෙසේ වෙතත් මියගිය පුද්ගලයන් සම්බන්ධයෙන් මරණ පරීක්‍ෂණ සිදු කරමින් ඇති බවත්, මරණවලට හේතුව එන්නත් නිසා හටගත් අතුරු ආබාධ විය හැකි යැයි විශ්වාස කරන බවත් එරට බලධාරීන් පවසා ඇත. නමුත් තරුණ සහ නිරෝගී පුද්ගලයන් මෙම තත්ත්වය ගැටලුවක් කරගත යුතු නොවන බවද ඒ පිළිබඳ විශේෂඥයෝ අවධාරණය කරන බවත් වාර්තා වේ.
මෙම සිදු වීමත් සමග එන්නත පිළිබදව ලොව පුරා විශාල අවධානයක් යොමු ව ඇත. මේ අතර එන්නත නිපදවූ ෆයිසර් – බයෝඑන්ටෙක් පාර්ශ්වය නෝර්වේහි බලධාරීන් සමග එක්ව මේ පිළිබඳ සොයා බලන බවද වාර්තා වේ. ෆයිසර් සමාගම පවසා ඇත්තේ මෙතෙක් වාර්තා වී ඇති සිදුවීම් බොහොමයක් බලාපොරොත්තු වූ සීමාවෙහි පවතින බවයි.
-පංචාලි අබේසේකර
