කොවිඩ් අර්බුදය හේතුවෙන් දැනට නවතා දමා ඇති උපකාරක පංති පැවැත්වීමට අදාළ චක්‍රලේඛනය ඊයේ(15) නිකුත් කළ බවත්, ජනවාරි මස 25 වැනි දා සිට උපකාරක පංති පැවැත්වීමට අවසර ලබා දී ඇති බවත් සෞඛ්‍ය සේවා අධ්‍යක්ෂ ජනරාල් අසේල ගුණවර්ධන අද (16) ප්‍රකාශ කර තිබේ.

ඒ අනුව ,

* උපකාරක පංතියට සහභාගී කර ගත හැක්කේ, ඉද ගැනීමට තිබෙන පුටු ප්‍රමාණයෙන් 50% ක් සහ උපරිම
සංඛ්‍යාව ළමුන් 100ක් දක්වා පමණි.

* උපකාරක පංති සඳහා දිස්ත්‍රික්ක හරහා පැමිණීමට අවසර නොමැත .

* ආරම්භ කළ හැක්කේ, අපොස සාමාන්‍ය පෙළ හා උසස් පෙළ පංති පමණි.

* අදාළ දිස්ත්‍රික්කය ඇතුළත ළමුන්ට හා ගුරුවරුන්ට උපකාරක පන්ති පවත්වාගෙන යා හැකිය.

එසේම මෙම නීතිරීති උල්ලංඝනය කරමින් උපකාරක පංති පවත්වනු ලබන ආයතන සදහා දැඩිව නිතිය ක්‍රියාත්මක කරන බවයි පොලිසිය සදහන් කරන්නේ.

-පංචාලි අබේසේකර