ඉන්දීය රජය මෙම එන්නත 16වනදා සිට ඉන්දීය වැසියන්ට ලබා දෙන අතර ජනවාරි 26 වැනිදා සිට වෙනත් රටවලට අපනයනය කිරීමට තීරණය කර ඇති බවයි ඉන්දීය මාධ්‍ය වාර්තා කරන්නේ.
මෙම එන්නත මෙරටට ලැබීමෙන් පසු ජනතාවට එන්නත ලබාදීම සදහා අවශ්‍ය සැලසුම් මේ වන විටත් සකස් කරමින් පවතින බව වාර්තා වේ. එම සැලසුම් වලට අනුව දිවයින පුරා සෞඛ්‍ය ආයතන 1050 පිහිටා ඇති නමුත් එය ප්‍රමාණවත් නොවන නිසා එන්නත් ලබාදීමේ මධ්‍යස්ථාන 4000ක් ස්ථාපිත කෙරේ.
යම් හෙයකින් එන්නත අසාත්මිකතාවකට පත් වූ පුද්ගලයෙකු හට ඉක්මන් ප්‍රතිකාර සදහා මෙම ස්ථානයේ ඇඳන් මෙන්ම ගිලන් රථද සූදානම් කර තැබීමට බලාපොරොත්තු වන බවයි සදහන් වන්නේ.
‘‘ඇස්කා සෙනිකා’ එන්නත මාත්‍රා දෙකක් එක් පුද්ගලයකුට ලබාදීමට නියමිත අතර ඒ සඳහා එන්නත් සිලින්ජර් ලක්ෂ 26ක් අවශ්‍ය බවට ඇස්තමේන්තු කර තිබේ. කෙසේ හෝ මෙම ද්‍රව්‍ය සායනික අපද්‍රව්‍ය වන බැවින් විනාශ කිරීම සඳහා ක්‍රමවේදයක් සකස් කිරීමටද රජය තීරණය කර ඇති බවයි වාර්තා වෙන්නේ.
-පංචාලි අබේසේකර
