සුබ පැතුම් පණිවුඩය නිකුත් කරමින් ජනාධිපතිතුමා සඳහන් කළේ, නව වසරේ කුමන බාධකයන්ට මුහුණදීමට සිදුවුවත් ඒ සඳහා ආත්ම ශක්තිය හා ධෛර්ය අප සතුව ඇති බවත් බරපතල අභියෝග හා බාධක හමුවේ වුවද ජාතික අභිලාෂයන් මත පදනම්ව තිරසාර සංවර්ධනයක අත්තිවාරම සැකසීමට අපට හැකි වූ බවත් ය. ​ජනතා අපේක්ෂා සාක්ෂාත් කර ගැනීමට තැබූ පියවර නව වසරේ දී තව තවත් ශක්තිමත් කිරීම රජයේ අරමුණ බවත් රටටත්, ජනමතයටත් පිටු නොපානු ඇතැයි ජනතාව රජය කෙරෙහි තැබූ විශ්වාසය කිසිදු අයුරකින් පළුදු නොකරන බව ද ජනාධිපතිතුමා සිය සුබ පැතුම් පණිවුඩයෙන් පෙන්වා දී ඇත.