එහි ලේකම් ඉන්දික ගමගේ විසින් මේ සම්බන්ධයෙන් නිකුත් කර ඇති නිවේදනය පහතින් දැක්වේ.
පාරිභෝගික භාණ්ඩ සඳහා දවටනයක් යෙදීම සැක සහිත වංචාවකි
පාරිභෝගික කටයුතූ පිළිබඳ අධිකාරිය මගින් පාරිභෝගික භාණ්ඩ කිහිපයක් සඳහා පමණක් දවටනයක් හඳුන්වාදීමට යාම සැක සහිත වංචාවක් බව අපි ප්‍රකාශ කරමු. අධිකාරිය මගින් පාරිභෝගික අයිතීන් වෙනුවෙන් යැයි පවසා පෞද්ගලික ව්‍යාපාරික හිතවතූන් සන්තර්පණය කිරීමට යාම වහාම නවත්වන ලෙසට බල කරන අප සන්ධානය , පාරිභෝගික අයිතීන් සුරැකීමට කිසිදු සාධනීය වැඩපිළිවෙලක් සකස් කිරීමට හැකියාවක් නොමැති අධිකාරිය ජනතා මුදල් විනාශ කරමින් කොන්ත්‍රාත්කාරයන් පිනවීමට ගන්නා උත්සාහයට එරෙහිව දැඩි පියවර ගන්නා බවද තවදුරටත් දැනුම් දීමට කැමැත්තෙමු.
අධිකාරියේ ඉතිහාසය පුරා සිදුකර ඇත්තේ පාරිභෝගික අයිතීන් වෙනුවෙන් පැලැස්තර විසඳුම් යොදමින් කාලය ගෙවීමත් මාධ්‍ය සංදර්ශණ මගින් තම නාමය රැකගැනීමේ ව්‍යාජ උත්සාහයක යෙදීම පමණක් බව මුළු රටම දන්නා කාරණයකි.
මෙම ගණුදෙනුව පිළිබඳ අතිගරු ජනාධිපතිතූමාගේ් සෘජ්‍ර අවධානය යොමු කරන ලෙස ඉල්ලන අප සන්ධානය රට තූළ පාරිභෝගික අයිතීන් වෙනුවෙන් සිටින එකම රාජ්‍ය ආයතනය සඳහා විධිමත් ක්‍රමවේදයක් හඳුන්වා දීමටත් අකර්මණ්‍ය වූ මෙම ආයතනය වෙනුවෙන් ක්‍රියාශීලී නිළධාරියකූ යටතට වහාම පත් කිරීමට මැදිහත් වන ලෙසට ඉතා ගෞරවයෙන් ඉල්ලා සිටිමු.
ඉන්දික බෙල්ප ගමගේ
