දුමින්ද සිල්වාගේ සොහොයුරු හිරු මාධ්‍ය ජාලයේ අධිපති රෙනෝ ද සිල්වාට සහ එම පවුලේ සියලු දෙනාට මේ බව ගොටාබය දැනුම් දී ඇත.
රෙනෝද සිල්වාගේ හිරු මාධ්‍ය ජාලය හැකි සෑම වෙරක්ම දරා ගොටාබය රාජපක්ෂගේ ජනාධිපති ප්‍රචාරක මෙහෙයුමට දායක වන්නේ ඒ දුන් සහතිකය මතය. එසේම ඔහුගේ ප්‍රතිපත්ති ප්‍රකාශනය තුලද මුල් වරට චෝදනා ඔප්පු වී සිර ගත වූවන් පුනරුත්තාපනය කර නිදහස් කිරීම සිදුකරන බවට වගන්තියක් ඇතුලත් කර ඇත්තේද මෙවැනි අපරාධකරුවන් කිහිප දෙනෙකුම නිදහස් කිරීමට අවශ්‍ය වටපිටාව සකසා ගැනිමටය.
මීට පෙර සජිත් ප්‍රේමදසගේ මැතිවරණ ප්‍රචාරක මෙහෙයුමට සහය දිය හැකි බවත් ඒ වෙනුවෙන් දුමින්ද සිල්වාට ජනාධිපති සමාව යටතේ නිදහස ලබා දීමට එකඟ විය යුතු බවට රෙනෝ ද සිල්වා එජාපයේ ප්‍රබලම ඇමැති දෙපොලක් සමඟම සාකච්ඡා කර තිබිණි. එහෙත් රටේ ඉහළම අධිකරණයෙන් පවා මරණීය දණ්ඩනය තීන්දු කළ අපරාධකරුවකු නිදහස් කිරීම සිදු කළ නොහැකි බව ඇමැතිවරු පැවැසීම නිසා රෙනෝද සිල්වා ගෝටාබය රාජපක්ෂ සමඟ මේ සම්බන්ධයෙන් සාකච්ඡා කිරීම සිදුව තිබේ. ගොටාබය රාජපක්ෂ එම කොන්දෙසිය පිලිගැනීම සිදු කර ඇත.
දුමින්ද සිල්වාට යනු කුඩු ජාවාරම් චෝදනා පවා එල්ල වී ජනතාව අතර පිලිකුලට භාජනය වූවෙකි.එවකට ගෝටාබය රාජපක්ෂ ආරක්ෂක අමාත්‍යාංශ ලේකම් වරයාව සිටිය දී එම අමාත්‍යංශයේ අධීක්ෂණ මන්ත්‍රී වරයා ලෙස රාජපක්ෂ පවුල් ආණ්ඩුවේ ත්‍රාඩ හැකියාවන් උපයෝගි කරගෙන දුමින්ද සිල්වා ප්‍රචණ්ඩකාරී දේශපාලනයක නියුක්ත වූවෙක් වන අතර එම සමයේදී කොලොන්නාව මුල් කරගෙන සිදු වූ පාතාල ඝාතන රැල්ලද කුඩු ජාවාරම පදනම් කරගෙන සිදු වූ ඒවාය.
භාරත ලක්ෂමන් ප්‍රේමචන්ද්‍ර මහතාට සිය ජීවිතය පුදන්න සිදු වුයේද මේ දුමින්ද සිල්වා විසින් නඩත්තු කරන ලද පාතාල ක්‍රියාකාරකම් සමඟ සටන් වැදීමට සිදුව තිබීම නිසාය.
