ඒ අනුව කරූ ජයසූරිය ජනතා විමුක්ති පෙරමුණේ සහය ලබා ගත යුතුය..සජිත් ප්‍රේමදාස දෙමළ ජාතික සන්ධනයේ සහය ලබා ගත යුතුය. එක්සත් ජාතික පෙරමුණට සම්බන්ධ අනෙකුත් පක්ෂ වල සහය කොහොමත් එජාපයෙන් ඉදිරිපත් කරන ඒ දෙදෙනාගෙන් කවර අපේක්ෂකයකුට හෝ ලබා දෙන බවට මේ වන විට එකඟ වී තිබේ.
කරූ සජිත් දෙදෙනාට අමතර එජාප ජනාධිපති අපේක්ෂකත්වය බලාපොරොත්තුවෙන් සිටිනෙ එජාප නායක රනිල් වික්‍රමසිංහය. ඔහු අන් අයට එම කොන්දේසි දමන්නේ ඔහුට ජනතා විමුක්ති පෙරමුණ සහ දෙමළ ජාතික සන්ධානයේ සහය මේ වන විටත් ලැබී තිබෙන නිසාද යන්න මෙහිදී මතුවෙන සැකයකි.
ජවිපෙ සහ දෙමළ සන්ධානය රනිල් වික්‍රමසිංහට සහය පළ කර තිබේ නම් අනෙකුත් පක්ෂවල සහයත් ලැබේ නම් ජනාධිපතිවරණයට ඔහු ඉදිරිපත් වීම එජාපයට වඩා සුබදායක වනු ඇත. එහෙත් ජවිපෙ හෝ දෙමළ සන්ධානය එහෙම තමන්ගේ සහය රනිල්ට ලබා දෙන බව මෙතෙක් ප්‍රකාශ කර නැත. ඒ අතර දෙමළ සන්ධානය සහ ජවිපෙ අතරද යම් එකඟතාවයන් සඳහා සාකච්ඡාවන් පැවැත් වෙන බවත් දේශපාලන අරංචි මාර්ග පවසයි.
