කෙන්යාවේ නයිරෝබි අගනුවර පැවැත්වුණු ජන හමුවක් අමතමින් ඇමරිකානු ජනාධිපතිවරයා ප්‍රකාශ කරනු ලැබුවේ කාන්තාවන්ට සමාන ලෙස සැලකීමට කෙන්යාව තවදුරටත් කටයුතු කළ යුතු බවයි.
කෙන්යාව තුල පිරිමි ළමුන්ට සාපේක්ෂව අධ්‍යාපනය ලබන ගැහැණු දරුවන්ගේ සංඛ්‍යාව අඩු අගයක පවතින අතර කාන්තාවන්ට එරෙහිව සිදුවන ප්‍රචණ්ඩත්වය මුදා හැරීම් සහ ගැහැණියකට හිමි වෙන වැටුප පිරිමියෙකුට සාපේක්ෂව ඉතා අඩු අගයක පවතියි.
මීට අමතරව එරට තුල අංග විච්ඡ්දනය 2011 වසරේ සිට තහනම් කර තිබුනත් විවිධ කුඩා ගෝත්‍ර තුල තවමත් ගැහැණු ළමුන් අංග විච්ඡ්දනයට ලක් කරන බව පැවසේ. මේ පිළිබඳව අදහස් දක්වමින් බැරක් ඔබාමා ප්‍රකාශ කරනු ලැබුවේ එවැනි යල් පැන ගිය අදහස්වලට 21 වන සියවසේ ඉඩක් නොමැති බවයි.
මීට අමතරව විවිධ ගෝත්‍ර අතර සිදුවන ගැටුම් පිළිබඳවද ඔබාමාගේ විවේචන එල්ල වී තිබේ. 1992 වසරේ කෙන්යාවේ ගෝත්‍ර දෙකක් වන කලෙන්ජින් සහ කිකුයු අතර ඇති වූ ඇති වූ ගැටුමකින් පුද්ගලයන් 5000ක් පමණ මිය ගොස් තිබේ.
