මිය යාමට හේතුව ලෙස වෛද්‍යවරුන් පවසා ඇත්තේ හෘදයාබාධයකි. අබ්දුල් කලාම් 2002 සිට 2007 දක්වා කාලය තුලදී ඉන්දියාවේ ජනාධිපතිවරයා ලෙස කටයුතු කළේය.1931 වසරේ ඔක්තෝබර් මස 15 වැනිදා ඉන්දියාවේ රාමේෂ්වරන් හී සාමාන්‍ය පවුලක උපත ලැබු අබ්දුල් කලාම් මිය යන විට 84 වැනි වියේ පසුවිය.
අබ්දුල් කලාම් කුඩා කාලයේ සිහිනය වී තිබෙන්නේ ප්‍රහාරක ගුවන් නියමුවෙකු වීමටයි. කලාම්ගේ ජීවිත කතාව ඇතුලත් My Journey නම් පොතේ සඳහන් කරන පරිදි ඔහු ඉතා බලාපොරොත්තු සහගතව ගුවන් නියමුවෙකු වීමට උත්සාහ ගෙන ඇත.
එමෙන්ම ඔහු මේ සඳහා ඉන්දීය ගුවන් හමුදාව ඇතුළු විවිධ ආයතන කිහිපයකම සම්මුඛ පරීක්ෂණ කිහිපයකටමසඳහා මුහුණ දී තිබෙනවා. එහිදී සුදුසුකම් සේම කඩවසම් බවත් මේ තෝරාගැනීම් සඳහා බලපාන බව තමාට තේරුම් ගිය බව කලාම් තම පොතේ සඳහන් කරනු ලබයි.
ගුවන් නියමු සම්මුඛ පරීක්ෂණයකට මුහුණ දුන් කලාම් 25 දෙනෙකු අතරින් නම වන ස්ථානයට පත් වුවත්අවසානයේදී තෝරාගෙන තිබෙන්නේ අට දෙනෙකු පමණක් බව සඳහන් වේ. පසුව බලාපොරොත්තු සුන් කරගන්නා කලාම් වෙනත් මාර්ගයකට අවතීර්ණ වන්නේ ආරක්ෂක අමාත්‍යංශයේ විද්‍යාත්මක පරීක්ෂණ සහායකයෙක් ලෙස සේවයට බැඳුනු පසුවයි.
My Journey පොතේ ඔහු මුහුණ දුන් අභියෝග, න්‍යෂ්ඨික වැඩපිළිවෙලේ උපදේශකයෙක් ලෙස ගත කළ සහ ජනාධිපතිවරයෙකු ලෙස ගත කළ කාලය පිළිබඳ විවිධ කතා වලින් පිරී ඇති බව සඳහන් වේ.
1974 වසරේදී ඉන්දියාව විසින් ආරම්භ කරනු ලැබු පොක්රාන් - II න්‍යෂ්ඨික අත්හදා බැලීම සඳහා අබ්දුල් කලාම් සිය ඉහල දායකත්වයක් ලබා දුන් අතර
අග්නි සහ පෘථිවි මිසයිල ව්‍යාපෘතින් සඳහා ද අබ්දුල් කලාම් මහතා සිය දායකත්වය ලබා දෙනු ලැබීය .
පසුගිය ජුනි මාසයේ ශ‍්‍රී ලංකාවේ පැවති බලශක්ති සංරක්‍ෂණය සම්බන්ධයෙන් වන විශේෂ දේශනයකට ද අබ්දුල් කලාම් මහතා ශ‍්‍රී ලංකාවට පැමිණියේය.
