මීට පෙර අවස්ථා කිහිපයකදීම විවාහ ලියාපදිංචියකින් තොරව දෙදෙනෙක් එක්ව වාසය කිරීම අපරාධයක් ලෙස නොසැළකුණත් එය විවෘතව පිළිගත් සහ සහාය පළ කර ප්‍රථම අවස්ථාව ලෙස මෙම නඩු තීන්දුව සැළකේ.
තීන්දුවට ප්‍රකාශයට පත්කරමින් විනිසුරුවරුන් පවසා ඇත්තේ නූතන සමාජයේ දෙදෙනෙක් නිත්‍යානුකුලව විවාහ වීමෙන් තොරව එක්ව වාසය කිරීම සමාජ සම්මතයක් ලෙස පිළිගන්නා බැවින් එය අපරාධයක් නොවන බවයි.
මීට පෙර 2013 වසරේ ඉන්දියානු ශ්‍රේෂ්ඨාධිකරණය නිත්‍යානුකුල විවාහයකට බැඳී සිටින කාන්තාවන් සහ දරුවන්ගේ ආරක්ෂාව වෙනුවෙන් නීතියක් සම්මත කරන ලෙස එරට පාර්ලිමේන්තුවෙන් ඉල්ල තිබුණි.
එසේම මෙම වසරේ අප්‍රේල් මාසයේ ගැහැනියක් සහ පිරිමියෙක් නිත්‍යානුකූල විවාහයකින් තොරව එක්ව වාසය කරන්නේනම් එය සම්මත විවාහයක් ලෙස පිළිගන්නා අතරම එවැනි සම්බන්ධතාවයක සහකරුවා මිය ගිය විට ඔහුට හිමි දේපළ බිරිඳට අයත් වන බව පිළිගෙන ඇත.
