ඇෆ්ගන් ආරක්ෂක බලධාරීන් ප්‍රකාශ කරන පරිදි දකුණු කාබුල් ප්‍රදේශයේ ලෝගාර් පළාතේ පිහිටා තිබූ හමුදා මාර්ග බධකයකට අද(20) උදෑසන ඇමරිකානු හෙලිකොප්ටර් යන දෙකක් මගින්ප්‍රහාර එල්ල කර ඇත. මෙම ප්‍රහාරයෙන් කිහිපදෙනෙක් තුවාල ලබා ඇත.
ප්‍රහාරය එල්ල වූ ප්‍රදේශය බාරව සිටින හමුදා අණදෙන නිලධාරියා ප්‍රකාශ කරන පරිදි මෙම මාර්ග බාධකයේ පැහැදිලිව ඇෆ්ගනිස්ථාන කොඩිය ප්‍රදර්ශනය කෙරී ඇත. ලෝගාර් ප්‍රදේශයේ කොටසක් තවමත් තලේබාන් කැරලිකරුවන් යටතේ පවතින බව පැවසේ.
කෙසේවෙතත් මෙම ප්‍රහාරය සම්බන්ධයෙන් ඇමරිකාව පරීක්ෂණ ආරම්භ කර ඇති බව විදෙස් මාධ්‍ය පවසයි.
තවමත් ඇෆ්ගනිස්ථාන හමුදාව පුහුණු කිරීමට සහ උපදෙස් ලබාදීම සඳහා ජාත්‍යන්තර හමුදා සෙබළුන් දස දහසක් පමණ ඇෆ්ගනිස්ථානය තුල රැඳී සිටින බව පැවසේ. නමුත් නේටෝ මෙහෙයුම් අවසන් වීමත් සමඟ ඔවුන්ගේ කටයුතු විශේෂ කාර්ය සඳහා පමණක් සීමා කර ඇතැයි වාර්තා වේ.
