හැටතුන් හැවිරිදි Purni Orang නම් වෙන මේ කාන්තාව ගම්මානයේ පැතිර ගිය රෝගයකට වගකිවයුතු බවට ගම්වැසියන් චෝදනා නගා තිබේ. ඝාතනය සම්බන්ධයෙන් කාන්තාවන් දෙදෙනකු ඇතුළු හත් දෙනෙක් අත්අඩංගුවට පත්ව තිබේ.
හදිහූනියම් කටයුතුවල නිරත වූ බවට චෝදනා ලත් අනූ දෙනකු පමණ පසුගිය වසර හය ඇතුළත මෙලෙස ඝාතනය කොට ඇති බව ඇසෑම් ප්‍රාන්ත පොලිසිය පවසයි.
හිස ගසා දැමීම, පණ පිටින් පුළුස්සා දැමීම හෝ කපා කොටා මරා දැමීමට ගොදුරු වූ එම පිරිසෙන් වැඩි දෙනකු කාන්තාවන් වන බවත් පොලිසිය වැඩිදුරටත් සඳහන් කරයි.
ඇසෑම් ප්‍රාන්තයේ ජීවත්වෙන ගෝත්‍රික කණ්ඩායම් සහ වතු කම්කරුවන් අතර මෙවැනි අන්ධ විශ්වාසයන් බහුලව දක්නට ලැබෙන බව පැවසේ.
මෙවැනි ඝාතන සිදුවීමට හේතුව ලෙස පැවසෙන්නේ මිනිසුන් තුල පවතින අන්ධ විශ්වාසයන් මෙන්ම වැන්දඹු කාන්තවන් සතුව පවතින දේපල සහ ඉඩම් ලබාගැනීමේ වුවමනාවයි.
