තුවක්කුකරු ප්‍රහාරයේදී මියගොස් ඇති අතර මෙම සිදුවීම ත්‍රස්තවාදී ක්‍රියාවක් ලෙස ගෙන පරීක්ෂණ පවත්වන බව ඇමරිකානු ආරක්ෂක අංශ පවසයි.
වෙඩි ප‍්‍රහාරය එල්ල කළ පුද්ගලයා 24 හැවිරිදි මොහොමඞ් යුසුෆ් අබ්දුල්ලාසිස් නමැත්තෙකු බව හදුනාගෙන තිබෙන අතර ඔහු මැදපෙරදිග උපත ලබා පසුව ඇමරිකාව වෙත සංක්‍රමණය වුවෙකු බව අමෙරිකානු ආරක්ෂක අංශ වාර්තාවල දැක්වේ.
මෙම පුද්ගලයා මේ වසරේදීම මත්පැන් භාවිත කර රිය පැදවීමේ චෝදනාව යටතේ පොලිස් අත්අඩංගුවටද පත් වූ අයෙක් බව සඳහන් වේ.
එසේම මෙම පුද්ගලයා 2012 වසරේදී ටෙන්නේස්සේ ප‍්‍රදේශයේ විශ්ව විද්‍යාලයෙන් ඉංජිනේරු විද්‍යාව සම්බන්ධ උපාධියක් අවසන් කළ පුද්ගලයෙකු බව ඇමරිකානු වාර්තා පෙන්වා දෙයි.
