ඊජිප්තු බලධාරීන් පවසන පරිදි අද(11) උදෑසන සිදුව ඇති මෙම ප්‍රහාරයෙන් හතර දෙනෙකු තුවාල ලබා ඇත.
පසුගිය මාසයේ කයිරෝ අගනුවර පොලිසියට සහ අධිකරණ ප්‍රධානියෙකුට එල්ල වූ කාර් බෝම්බ ප්‍රහාර දෙකකින් පුද්ගලයන් හතර දෙනෙකු ජීවිතක්ෂයට පත්විය.
ඊජිප්තු හමුදාව මේ වනවිට ඉස්ලාමීය කැරළිකරුවන් සමඟ සටන් වැද සිටින අතර එම සටන් සිනයි පෙනින්සියුලා ප්‍රදේශයට පමණක් සිමා වී ඇති බව වාර්තා වේ. පසුගිය වසර දෙකක කාලයක් තුල එරට පොලිසියේ සහ හමුදා සාමාජිකයන් 600ට අධික පිරිසක් ඊජිප්තු සටන්කමීන් විසින් මරා දමා ඇත.
2013 වසරේ මුස්ලිම් සහෝදරත්වයේ නායක එවක හිටපු ජනාධිපති මොහොමඩ් මොර්සි බලයෙන් පහ කිරීමත් සමඟ සටන්කාමීන්ගේ ක්‍රියාකාරම් වැඩි වී ඇති බව පැවසේ. කෙසේවෙතත් වර්තමාන ජනාධිපති අබ්දුල් පටාහ් පවසන්නේ මෙම ගැටුම් ඉක්මනින්ම අවසන් කිරීමට පියවර ගන්නා බවයි.
