ඉන් නොනැවතී ලතින් ඇමරිකානු කලාපයේ බොහෝ රටවලද ආර්ථික වර්ධන වේගය පහල මට්ටමක පවතින බව වාර්තා වේ. ලෝක බැංකු වාර්තාවන්ට අනුව මේ වසර ලතින් ඇමරිකානු රටවල ආර්ථිකයේ දුර්වලම අවධිය බව පැවසේ.
ලතින් ඇමරිකානු කලාපය ඇමරිකාවේ සහ චීනයේ වෙළඳ ආධිපත්‍ය පිළිබඳ තරඟයේ සටන් බිම බවට පත්ව ඇති නිසා චීනයේ කොටස් වෙළඳපොළ කඩා වැටීමත් සමඟ මෙම තත්ත්වය තවත් උග්‍ර වෙනු ඇතැයි විචාරකයන් පවසයි. එසේම චීනය ලතින් ඇමරිකානු රටවල ප්‍රධානම වෙළඳ සහකරුවා ලෙස ක්‍රියා කළත් ඇමරිකාව මේවනවිටත් ලතින් ඇමරිකානු රටවල් සමග නව සබඳතා ගොඩ නාග ගැනීමට උත්සාහ ගනිමින් සිටියි.
ඇමරිකාව කියුබාව සමඟ නව සබඳතා අලුත්විමෙන් ඒ බව මානව පැහැදිලි වේ.
Wells Fargo සුරැකුම්පත් සමාගමේ ආර්ථික විද්‍යාඥ වෙල්ස් ෆර්ගෝ පවසන පරිදි මේ වනවිට බ්‍රසීලය, ආර්ජන්ටිනාව, චිලී පේරු වැනි ලතින් ඇමරිකානු කලාපයේ ප්‍රධාන රටවල් සියල්ලකම ආරථික වර්ධන වේගය පහල මට්ටමක පවතියි.එමෙනම් මේ තත්ත්වය තව තවත් දරුණු වෙනු ඇති බව ඔහුගේ අදහසයි.
මීට අමතරව වෙනිසියුලාවේ උද්ධමනය සිඝ්‍රයෙන් ඉහළ යමින් ඇති බව පැවසේ.
මේ කරුණු සියල්ල ගෙන බැලීමේදී පෙනීයන ප්‍රධානම කරුණක් වන්නේ මේ සියලු රටවල්වල වාමාංශික ප්‍රවනතවයකින් යුතු ආණ්ඩු ක්‍රියාත්මක වෙන රටවල වීමයි. ග්‍රීසිය මේ අතරින් කැපී පෙනේ. එමෙන්ම චීනයේ කෙරුවාව කෙසේවෙතත් වාමාංශික පාලන ක්‍රමයක් ගෙන යන බව ප්‍රකාශ කරයි.
මීට අමතරව බොහෝ ලතින් ඇමරිකානු රටවල නායකත්වය දරන්නේ වාමාංශික නායකයන්ය.
නමුත් ඔවුන් ක්‍රියාත්මක කළ බොහෝ ප්‍රතිපත්ති දෙස බැලීමේදී පෙනී යන්නේ ප්‍රතිසංස්කරනවාදී ස්වරූපයකි. මේ පැතිර යන ආර්ථික අර්බුදය දෙස බැලීමේදී ප්‍රතිසංස්කරණ පමණක් ප්‍රමාණවත් නොවන බව පැහැදිළිව ප්‍රකාශ වේ.
සිතාරා කුලරත්න
