එය වසර විස්සකට පසු වියට්නාමය සහ ඇමරිකාව අතර ඇති වූ පළමු සකච්ඡාව ලෙස සැළකේ.
මේ පිළිබඳ අදහස් දක්වමින් බැරක් ඔබාමා පවසා සිටියේ රටවල් දෙක අතර ක්‍රියාත්මක දේශපාලන දර්ශන වෙනස් වුවත් එය නොතකා දෙරට අතර සම්බන්ධතාව වර්ධනයට පියවර ගැනීම හොඳ දෙයක් බවයි.
දේශපාලන විචාරකයන් පවසන පරිදි ඇමරිකාව සහ විය්ටනමය අතර සම්බන්ධතාවය වර්ධනය වීමට බලපා ඇති ප්‍රධානම හේතුව වන්නේ චීන බලපෑමෙන් මිදීමට ඇති අවශ්‍යතාවයයි.
වියට්නාම යුද්ධය අවසන් වී මේ මාසයට වසර 40ක් සම්පුර්ණ වේ. මේ සම්බන්ධතාවය ඉදිරියටත් පවත්වාගෙන යාමට පියවර ගන්නා බව සහ බැරක් ඔබාමාට වියට්නාම සංචාරයක් සඳහා ආරාධනා කළ බව වියට්නාම කොමියුනිස්ට් පක්ෂ නායකයා මෙහිදී ප්‍රකාශ කර ඇති බව විදෙස් මාධ්‍ය පවසයි.
මිට අමතරව වියට්නාමයද ඇතුළුව රටවල් 12 ක එකතුවකින් නිදහස් වෙළඳ සැලසුමක් ඇති කිරීම පිළිබඳවද මෙහිදී සකච්ඡා කෙරී ඇත.
