ගිනිසිළුව බ‍්‍රසීලයේ නගර 300 ක් හරහා රැගෙන යාම සඳහා පුද්ගලයින් දොළොස් දහසක් තෝරා ගැනෙන බව පැවසේ. මෙම සෑම පුද්ගලයෙකුම අදාළ ගිනිසිළුව මීටර් 300 ක දුරක් රැගෙන යනු ඇති.
මෙම ගිනිසිළුව කිලෝග‍්‍රෑම් 1 ත්, කිලෝග‍්‍රෑම් 1යි දශම 5ත් අතර බරකින් යුක්තයි. එසේම ඔලිම්පික් තරඟාවලිය ලබන වසරේ අගෝස්තු 05 ඇරඹීමට නියමිතයි.
මේවනවිටත් බ්‍රසීලය මුහුණ දී සිටින ආර්ථික අර්බුදය හමුවේ ඩිල්මාගේ ජනප්‍රියත්වය හීන වෙමින් පවතින අතර ඔලිම්පික් ගිනිසිළුව විවෘත කරමින් ඇය පැවසුවේ අභියෝග ජයගනිමින් ආරක්ෂිත සහ සාර්ථක තරඟාවලියක් පැවැත්වීමට කටයුතු කරන බවයි.
