එම සැකකරුවන් හතර දෙනාට මරණ දඬුවම නියම වී තිබුණේ පසුගිය මාර්තු මාසයේදී කුරානය ගිණි තැබූ බවට චෝදනා කර ෆ්‍රකුන්දා මලික්දා නමැති කාන්තාවක් මරාදැමීම හේතුවෙනි.
මෙහිදී මෙම තරුණ කාන්තාව කළහකාරී පිරිසක් විසින් ගල් ගසා ඝාතනය කෙරුණු අතර ඉන් පසු ඇයගේ සිරුර මතින් කාර් රථයක් පදවා ගෙන ගොස් සිරුරට ගිනි තබා තිබේ. ඇගේ මරණය සම්බන්ධයෙන් චෝදනා ලබා සිටි පල්ලියේ පුජකවරයාද දඬුවමෙන් නිදහස් කර ඇති බව විදෙස් මාධ්‍ය අනාවරණය කරයි.
මෙම ඝාතනය සම්බන්ධයෙන් මහජනතාවට විවෘත නොවූ නඩු විභාගයක් පවත්වා ඇති අතර ඝාතනයට ලක්වූ කාන්තාවගේ සහෝදරයා පවසන්නේ ලබා දී තිබෙන තීන්දුව යුක්ති සහගත නැති බවයි.
අභියාචනාධිකරණය විසින් වරදකරුවන් වූ පුදගලයන් තුන් දෙනෙකුට වසර විස්සක සිර දඬුවමක්ද තවත් පුදගලයෙකුට වසර 10ක සිර දඬුවමක්ද ලබා දී තිබේ.
කාන්තා ක්‍රියාකාරිනියක් වූ ෆ්‍රකුන්දා මලික්දා කුරානය පිළිස්සු බවට චෝදනා කර මරාදැමුණේ පෞද්ගලික පළිගැනීමක් වශයෙන් බව පසුව හෙළිවිය.
