එයට හේතු වී ඇත්තේ ආර්ථික අර්බුදය හේතුවෙන් ග්‍රීක බැංකුවල මුදල් හිඟ වීම සහ තම තැන්පතු ආපසු ලබාගැනීමට පැමිණෙන ගනුදෙනුකරුවන්ට ලබාදීමට මුදල් නොමැති වීම බව වාර්තා වේ.
එසේම දිනකට මුදල් ලබාගැනීම ඇමරිකානු ඩොලර් 66 ට සීමා කර තිබේ. මේ වනවිටත් ග්‍රීසියේ මුදල් ලබාගන්නා ටෙලර් යන්ත්‍ර අසල දිගු පෝලිම් දැක ගත හැකි බව විදෙස් මාධ්‍ය වාර්තා කරයි.
මේ අර්බුදය සම්බන්ධයෙන් ග්‍රීසියේ අගමැති ඇලෙක්සිස් සිප්රාස් ජූලි 05 දා ජනමත විචාරණයක් කැඳවීමට තීරණය කර ඇත. එරට පාර්ලිමේන්තුවද එම තීන්දුව අනුමත කර තිබේ.
දැනට පවතින තත්ත්වය හමුවේ ණය ගෙවීම පහර හැරීම හේතුවෙන් ග්‍රීසිය යුරෝපා සංගමයෙන් ඉවත් කිරීමේ අවදානමක් මතුව තිබේ.
