උදෑසන රැස්වීමක් සඳහා සහභාගි වෙමින් සිටියදී තානාපතිවරයා මෙම පහරදීමට ලක්ව ඇති බවයි බී.බී.සී. ලෝක සේවය පවසයි.
තානාපතිවරයාගේ මුහුණේ සහ සිරුරේ තවත් ස්ථාන කිහිපයක කැපුම් තුවාල සිදුවී ඇති ආකාරයත්, ඒවායින් රුධිරය වහනය වන ආකාරය දැක්වෙන ඡායාරූප කිහිපයක් ද මේ වන විට අන්තර්ජාලයට මුදාහැර තිබෙනවා. කෙසේවෙතත් මෙම තුවාල මාරාන්තික ඒවා නොවන බව අමෙරිකානු රාජ්ය දෙපාර්තමේන්තුව පවසා සිටියි. පහරදීම සිදුකළ පුද්ගලයා මේ වන විටත් අත්අඩංගුවට ගෙන ඇති අතර ඔහු සම්බන්ධයෙන් වැඩිදුර තොරතුරු තවමත් මාධ්ය වෙත අනාවරණ වී නැහැ.
මේ අතර මාර්ක් ක්ලිපර්ට් මීට පෙර අමෙරිකාවේ සහකාර ආරක්ෂක ලේකම්වරයා ලෙස ද කටයුතු කර තිබෙනවා. ඔහු දකුණු කොරියාවේ අමෙරිකානු තානාපතිවරයා ලෙස පත්කෙරුණේ ඉකුත් 2014 වසරේදීයි.
දකුණු කොරියාවේ සියොල් නගරයේදී එල්ල වූ ප්රහාරයකින් එරට අමෙරිකානු තානාපති මාක් ක්ලිපර්ට් තුවාල ලබා තිබේ.