මෙම වාර්තාමය චිත්‍රපටයට නිර්මාණය කර තිබෙනුයේ එම තරුණිය අතවර කොට මරා දැමීමට වරදකරුවන් වූ මුකේෂ් සිං සහ තවත් චූදිතයන් තුන් දෙනකු සමඟ පවත්වන ලද සාකච්ඡා පසුබිම් කොටගෙනයි.

මරණ දඬුවමට යටත් කර සිටින මුකේෂ් සිං අපරාධය ගැන පශ්චාත්තාප වෙන බවක් නොපෙනෙන අතර ඔහු තරුණියට ද චෝදනා කරයි.

එම වාර්තාමය චිත්‍රපටය විකාශනය සහ එහි කොටස් උපුටා දැක්වීම ඉන්දියානු අධිකරණය එරට තුල තහනම් කොට තිබේ. 

මෙම චිත්‍රපටය නිර්මාණය කොට තිබෙන්නේ මාර්තු 8දා ට යෙදෙන කාන්තා දිනය වෙනුවෙන් ලොව පුරා ප්‍රචාරය කිරීම සඳහායි. 

ඉන්දීය බලධාරීන් මේ සම්බන්ධයෙන් දක්වන ප්‍රතිචාරය සම්බන්ධයෙන් අදහස් දක්වන වාර්තා චිත්‍රපටකාරිය ලෙස්ලි අඩ්වින් (Leslee Udwin) පැවසුවේ බලධාරීන් නොමග ගොස් ඇති බවයි.
“මේ චිත්‍රපටය තිරගතවීම වැළැක්වීමට ගෙන තීරණය මගින් වෙන්නේ ලෝකයට ඉන්දියාව දෙසට ඇඟිල්ල දී කරන්න පුළුවන් වෙන එක .ඒක ඇත්තටම ප්‍රජාතන්ත්‍රවාදී අයිතියක්. ප්‍රජාතන්ත්‍රවාදයේ ප්‍රධාන ලක්ෂණ ලෙස ඉදිරිපත් කරන කථා කිරීමේ නිදහසට මොකක්ද දැන් වෙලා තියෙන්නේ” ඇය ප්‍රශ්න කරන්නීය.

අගමැති නරේන්ද්‍ර මෝඩි මෙම වාර්තා චිත්‍රපටය අගය කරනු ඇති බවට තමන් විශ්වාස කරන බවයි ලෙස්ලි අඩ්වින් (Leslee Udwin) ප්‍රකාශ කර තිබේ.

වරදකරුවෙකු වූ පුද්ගලයෙක් වෙනුවෙන් පෙනී සිටින නීතිඥයකුගේ සාකච්ඡාවක්ද චිත්‍රපටයට අඩංගු වෙයි. නීතිඥ , ඒ.පී.සිංග් A. P Singh නම් එම පුද්ගලයා තම සොහොයුරිය රාත්‍රී කාලයේදී මිතුරකු සමඟ ඇවිදින්නට ගිය හොත් ඔහු ඇයට ගිනි තබන බව පවසයි.

එසේම වාර්තා චිත්‍රපටයේ සාකච්ඡාවට සහභාගීවන වරදකරු වී මරණීය දණ්ඩනයට ලක්ව සිටින Mukesh Singh ස්ත්‍රී දූෂකයන් මෙන්ම අතවරයට ලක්වූ තරුණියත් එහි වගකීම බාරගත යුතුයැයි පවසන බව වාර්තා වේ.

කෙසේවෙතත් මේ අදහස් මතබේදයට තුඩු දී ඇත. ඉන්දියාවේ විවිධ පුදගලයන් මෙම චිත්‍රපටය සම්බන්ධයෙන් පක්ෂව මෙන්ම විපක්ෂවද විවිධ මත පල කරනු ලැබේ.