අනාචාරය වරදක් නොවන බව ප්‍රකාශ කළ එරට විනිසුරුවරයකු වන පාර්ක්‌ හන්ඩුල් අවධාරනය කර සිටින්නේ ආදරය කිරීමට හා විවාහයක් පවත්වාගෙන යනවාද නැද්ද තීරණය කිරීමට නිදහසක් තිබිය යුතු බවයි. රජය ජනතාවගේ පෞද්ගලික ජීවිතවලට ඇඟිලි ගැසිය යුතු නැති බවයි ඔහුගේ අදහස. එසේම ඔහු පවසන පරිදි පෞද්ගලික අයිතිවාසිකම් 1950 දශයකට සාපේක්ෂව වැඩිදියුණු වී තිබේ.
මෙම තීන්දුව විමතියට කරුණක් වන්නේ 2008 වර්ෂය වනතුරුම අනාචාරය වරදක් ලෙස සලකා දකුණු කොරියා ආණ්ඩුව නඩු තීන්දු ලබා දීමයි. පසුගිය කාලය තුල ක්‍රියාත්මක වූ එම නීතිය යටතේ පනස්දහසක් පමණ අනාචාරය චෝදනාවට ලක්ව ඇතැයි පැවසේ.
කෙසේවෙතත් කාන්තාවක් අනාචාරයේ යෙදී වරදකරුවෙකු බවට පත් උවහොත් පිරිමියෙකුට වඩා කොරියානු සමාජයේ ගැරහීම් වලට ලක්වීමට සිදුවිය.
කොරියානු සමාජයේ සමහර පිරිස් අතර මේ අලුත් නඩු තීන්දුව සම්බන්ධව එතරම් ප්‍රසාදයක් නොමැති බව වාර්තා වේ. එසේම විදෙස් මාධ්‍ය වාර්තා කරන ආකාරයට මෙම තීන්දුව ප්‍රකාශයට පත්වීමත් සමඟ එරට විශාලතම කොන්ඩම් නිෂ්පාදකයා වන Unidus සමාගමේ කොටස් මිල ඉහල ගොස් ඇත.
