කූඩුවක සිර කර සිටින පුද්ගලයකු ගින්නෙන් වෙළෙන අයුරු වීඩියෝවේ දැක්වේ.
පසුගිය දෙසැම්බර් මාසයේදී ලුතිනන් මොආස් අල් කසාබේ නමැති මෙම ගුවන් නියමුවා පියාසර කළ ගුවන් යානය සිරියාවේදී අනතුරට පත් වීමත් සමග ඔහු ISIS සටන්කරුවන්ගේ සිරභාරයට පත් විය.
මෙම ගුවන් අනතුර සිදු වූයේ ISIS සටන්කරුවන්ට එරෙහිව සිදු කරනු ලබන ඇමරිකානු ප්‍රහාරවලට සහාය ලබා දෙමින් සිටියදීයි.
ගුවන් නියමුවාගේ මරණය ස්ථීර ලෙස සිදු වී ඇති බව ප්‍රකාශ කළ ජෝර්දාන රජයේ රූපවාහිනිය, මීට මසකට පෙර ඔහු මරා දමා ඇති බව පවසයි.
සිරකරුවන් හුවමාරු කර ගැනීමක් ඔස්සේ ලුතිනන් අල් කසාබේ නිදහස් කර ගැනීමට ජෝර්දාන රජය උත්සාහ කළේය.
