වර්ගවාදී වීඩියෝ පටයක් ඕස්ට්‍රේලියාව කලඹයි (Video)

Published in විදෙස්
Saturday, 05 July 2014 09:09

සිඩ්නි නුවර දුම්රියක ගමන් ගත් මගීන්ට වර්ගවාදී ලෙස බැන වදින වීඩියෝ පටයක් ‘යු ටියුබ්’ වෙබ් අඩවියට නිකුත් වීමත් සමග ඕස්ට්‍රේලියානු කතකට පොලිසියෙන් චෝදනා එල්ල වී තිබේ.

වර්ගවාදය නියෝජනය වන ප්‍රකාශ, භාෂා විලාසයට අපහාස කිරීම් සහ දුම්රියේ ගමන් ගත් කාන්තාවකට අසභ්‍ය ලෙස 'විජාතිකයා' යනුවෙන් ඇමතීම ඇතුළු වර්ගවාදී බැන වැදීම් ඇතුළත් මෙම වීඩියෝ පටය මිනිත්තු තුනකුත් තත්පර තිහක් දීර්ඝ එකකි.

දුම්රියේ ගමන් ගත් මගියෙකු විසින් පටිගත කර පසුගිය බදාදා මෙම වීඩියෝ පටය ‘යූ ටියුබ්’ වෙබ් අඩවියේ පළ කර තිබුණි.

බැන වැදීම ආරම්භ වී තිබුණේ දුම්රියේ ගමන් ගත් ළමුන් පිරිසක් මෙම කාන්තාවට වාඩිවීම සඳහා තමන්ගේ අසුන පිරිනැමීම ප්‍රතික්ෂේප කිරීමත් සමගයි.

වීඩියෝ පටය දෙලක්ෂ අසූ දහසක් දෙනා නරඹා තිබුණ අතර දහසකට අධික පිරිසක් ‘යූ ටියුබ්’ වෙබ් අඩවියේ තම අදහස් පළ කර තිබිණි.

මීට අමතරව ‘ෆේස් බුක්’ මෙන්ම ‘ට්වීටර්’ වෙබ් අඩවිවල ද මේ සම්බන්ධයෙන් දිගින් දිගටම අදහස් පළ වී තිබුණ අතර දුම්රියේ ගමන් ගත් මගීන් ඇයට විරුද්ධව කතා කරන ආකාරය වීඩියෝ පටයෙන් ද දිස් වේ.

වර්ගවාදය නීති විරෝධියි

ඕස්ට්‍රේලියාවේ වර්ගවාදී වෙනස්කම් වැළැක්වීමේ පනතට අනුව පුද්ගලයෙකුගේ වර්ගය හෝ ජාතිය මුල් කර ගෙන අපහාස කිරීම, අපහසුතාවට පත් කිරීම හෝ වර්ගවාදී ලෙස බැන වැදීම නීති විරෝධී ක්‍රියාවකි.

නමුත් ඕස්ට්‍රේලියානු රජය පනතේ මෙම වගන්තිය නිශ්ප්‍රභා කිරීමට සාකච්ඡා පවත්වන බව පැවසේ..

ඕස්ට්‍රේලියානු වෙබ් අඩවියක්, වීඩියෝ පටයේ වර්ගවාදී ලෙස බැන වැදීම් කළ කාන්තාවගෙන් කළ විමසීමක දී ඇය පවසා ඇත්තේ තමන් ඉතා වෙහෙසකාරී දිනයක මෙලෙස හැසිරුණු අතර ඒ සම්බන්ධයෙන් කණගාටු වන බවයි.

දුම්රියේ ගමන් ගත් මගීන් ගෙන් සමාව අයැද සිටි ඇය තව දුරටත් පවසා ඇත්තේ කිසිවෙකු මෙලෙස බැන වැදීමකට ලක්වීම නොසුදුසු බවයි.

(බිබිසි)

 

Last modified on Saturday, 05 July 2014 09:50

Gossip

රෝහලේ සිට රනිල් ගහපු ගේම

රෝහලේ සිට රනිල් ගහපු ගේම

මේ සතියේ ලංකාවේ මෙන්ම විදෙස් දේශපාලන ලෝකයේ වැඩිපුරම කතා බහට ලක් වූ චරිතය වන්නේ රනිල්ය.රනිල් වෙනස කතා...

හරිනි මැදියම් රැයේ මෛත්‍රී එක්ක රනිල් බලන්න ඇවිත්!

හරිනි මැදියම් රැයේ මෛත්‍රී එක්ක රනිල් බලන්න ඇවිත්!

හිටපු ජනපති රනිල් වික්‍රමසිංහගේ සුව දුක් බැලීමට ඊයේ ( 24) රෑ මැදියම පසු වී අළුයම් කාලයේ අග්‍රාමාත්‍ය...

මහින්ද කුලී නිවෙසක් සොයයි

මහින්ද කුලී නිවෙසක් සොයයි

හිටපු ජනපති මහින්ද රාජපක්ෂගේ විජේරාමයේ පිහිටා තිබූ නිල නිවස පිළිබඳව පසුගිය කාල සීමාවේ බොහෝ දෙනෙක් ගේ...

ප්‍රියමාලි ගැන ගතු කිව්ව අයටත් නඩු වැටෙන හැඩ.  ඩුබායි වලින් සුරංගිවත් ගෙන්වයි ?   

ප්‍රියමාලි ගැන ගතු කිව්ව අයටත් නඩු වැටෙන හැඩ. ඩුබායි වලින් සුරංගිවත් ගෙන්වයි ?  

ව්‍යාපාර සඳහා ආයෝජනය කරන බව පවසමින්, ප්‍රසිද්ධ ව්‍යාපාරිකයන් ඇතුළු ප්‍රසිද්ධ පුද්ගලයන්ගෙන් රුපියල් ම...

Connet With Us