මේ නිසා දේශීය අවශ්‍යතාවය සැපිරීම සඳහා ප‍්‍රමුඛතාවය ලබාදීමට සිදුව ඇති බව රුහානි පවසා ඇත. කාලයෙන් කාලයට ඉරානයට ශීත සෘතුවේදී ගෑස් හිගයන් ඇතිවන බවද ඔහු හෙළිකරයි.
නැගෙනහිර, බටහිර, දකුණේ සිටින සියලූම අසල්වැසියන්ට ඉරානය විසින් මෙතෙක් නිස්සාරණය කර නොමැති ගෑස් මිලදී ගැනීමේ අවශ්‍යතාවය ඇති බව ජනාධිපතිවරයා සඳහන් කර ඇත.
රුසියාව විසින් යුරෝපා සංගමය ගෑස් සැපයීම නවතා දැමුවහොත් එම අවශ්‍යතාවය සැපිරීමට ඉරානයට හැකිබවට බොහෝ දෙනා සිතුවත් එය එසේ කළ නොහැකි බව ඔහුගේ අදහසයි.
ඉරානයේ ගෑස් නිෂ්පාදනය එම මට්ටමෙන් බොහෝ පසුපස සිටින බව හසන් රුහානි පවසා තිබේ. මේ අතර ඔහු දක්වා ඇත්තේ රුසියානු ගෑස් ක්‍ෂේත‍්‍රය සමග සහයෝගයෙන් කටයුතු කිරීමද ඉරානයේ අරමුණක් බවයි.
රුසියාවට පසුව තහවුරු කරගනු ලැබූ ලොව වැඩිම ගෑස් සංචිත ප‍්‍රමාණය ඉරානය සතු වන අතර ඝන මීටර් ටි‍්‍රලියන 29.6ක් වන එය ලොව මුළු සංචිතවලින් 15.8%කි. ඉරානයට පණවා ඇති සම්බාධක හා නළ පද්ධතියක් නොවීම යන කරුණු යුරෝපා සංගමයට ඉරාන ගෑස් මිලදීගැනීමට බාධාකාරී වී තිබේ.
