උන්වහන්සේ මේ බව කියා සිටියේ ෆ්‍රැන්සිස් පාප් වහන්සේගේ ජීවිත කතාව ඇතුලත් “Life: My Story through History” ස්වයං චරිතාපදානය ඇතුලත් ග්‍රන්ථය එළිදක්වමිනි.

87 හැවිරිදි ෆ්‍රැන්සිස් පාප් වහන්සේ, සෞඛ්‍ය ගැටලු රැසකින් ඉල්ලා අස්විය හැකි යැයි අනුමාන කිරීම් තිබියදීත්, ඉල්ලා අස්වීමේ “අවදානමක්” නොමැති බව එම ග්‍රන්ථයේ ද සදහන්ය.

පාප් වහන්සේලා දෙදෙනෙකු එකවර ජීවතුන් අතර සිටින අවස්ථාවක් වළක්වා ගැනීමට පාප් වහන්සේ අධිෂ්ඨාන කරගෙන සිටිති. ෆ්‍රැන්සිස් පාප් වහන්සේගේ පූර්වගාමියා වූ XVI වන බෙනඩික්ට් පාප් වහන්සේ 2013 වසරේ දී පදවියෙන් ඉල්ලා අස්වීම අතිශය අසාමාන්‍ය තීරණයක් බවද සදහන් කෙරේ.

මෙම වසර මුලදී, ෆ්‍රැන්සිස් පාප් වහන්සේ අසනීප තත්ත්වය හේතුවෙන් රැස්වීම සහ හමුවීම් අවලංගු කළේය. එසේම උන්වහන්සේට ඇවිදීමට අපහසු වන අතර රෝද පුටුවක් භාවිතා කිරීම වැඩි වැඩියෙන් දක්නට ලැබෙන අතර එයද බොහෝ දෙනාගේ අවදානයට ලක්වූ කරුණකි.