සැකකාර ළමයින්ද මනුෂ්‍යයෝය ! Featured

Sunday, 04 October 2015 09:36

එක පැත්තකින් බෙර ගහගෙන නටාගෙන ළමා දිනය සමරන අතරෙ ලංකාවෙ පොලීසියත් ජනමාධ්‍ය ආයතන වල සමහරක් බහුතරයකුත් එකතු වෙලා මහා අපරාධකාරයෙක් බවට පත් කරපු සේයා දැරිය ඝාතනයට සැකපිට අත් අඩංගුවට ගත්තාය කියපු 17 හැවිරිදි පාසල් දරුවා අධිකරණයෙන් නිදහස් උනා. එක ජීවිතයක් නැති උනු එකේ පරීක්ෂණ පමාව ගැන තමුන්ට එන චෝදනාවෙන් ගැලවෙන්න පොලීසිය බිල්ලට ගත්තේ ඒ කොල්ලාව. විකිණෙන ඕනෙම මඟුලක් කුණු රහට පල් කර කර පළ කරන ජඩ මාධ්‍ය ආයතන ඉතුරු හරිය වවාගෙන කෑවා. දින ගණනාවකට පස්සේ යන්තම් ඒ දරුවා චෝදනාවෙන් ගැලවුණා.

ඒත් ලංකාවෙ සමාජය තියෙන තැනේ හැටියට මේ ළමයා මින් ඉදිරියට සමාජයට මුහුණ දෙන්නේ කොහොමද ? පාසලේ දි පන්ති වලදි බස් හෝල්ට් එකෙදි මහ පාරෙදි එයාට විහිළුවට අවඥාවට ලක් වෙන්නෙ නැතිව ඉන්න හැකිවෙයිද ? එහෙම දිගින් දිගට පීඩා විඳින්න උනොත් මේ ළමයා සමාජයට වෛර කරන කෙනෙක් නොවී ඉඳීවිද ?

බොහෝ වෙලාවට ලංකාවෙ පොලීසිය පරීක්ෂණ කියලා කරන්න දන්නෙ කාව හරි උස්සන් ගිහින් ඌට එල්ලලා ගහලා, නොයෙකුත් වධ දීලා අන්තිමේ පාපොච්චාරණය කියලා මොකක් හරි එකක් අරන් උසාවි දාන එකයි. කොහොමත් මේ පොලීසිය කතන්දර කියන්න උනන්දුයි වගේම ඕනෙම බොරුවක් ඇත්තවගේ කියන්න කිසිම විලිල්ලැජ්ජාවක් දක්වන්නෙත් නෑ කියලා පහුගිය කාලෙ ඔප්පු කරේ සැකකරුවන් ආයුධ පෙන්නන්න කියලා එක්කන් ගිහින් එකම ක්‍රමයට මරාදාපු එකෙන්. මෙතෙන්දි ඒ පොලීසිය කරේ අර කොල්ලාගෙ චරිතය ඝාතනය කරපු එක. ඔය වයසෙ කොල්ලෙක්ගෙ ලැප් ටොප් එක්ක අසභ්‍ය දර්ශන තිබුණා නම් ඒක ලෝකෙට අඬබෙර ගහලා කියන්න තරම් දෙයක් නෙවෙයි. ඇත්තටම එහෙම ගෑවිච්චි දෙයක්වත් නොතිබුණා නම් තමයි පුදුම වෙන්න ඕනි. මොකද අපි ගූගල් එකෙන් සෙක්ස් හොයලා ලෝකෙම්ම අංක එකට ආපු අභිමානවත් ජාතියක් නිසා. දැරිය ඝාතනයෙන් ඇති උනු කැළඹීම මැද්දෙ පොලීසිය තමුන්ගෙ නොහැකියාව වහගත්තෙ අහිංසක ජීවිතයක් බිල්ලට තියලා.

ඊ ළඟට තිබුණේ සදාචාරය කියන එක මොකද්ද කියලා අහලාවත් නැති ජඩ මාධ්‍යවල කොටස. ලංකාවෙ ලේසියෙන්ම විකුණන්න පුළුවන් වෙන්නෙ කුණු රසය කියන්න හොඳට ම දන්න නිසා එයාලා මුළින්ම දැරියගේ මළ සිරුරෙ ඡායාරූප විකුණුවා. ඊට පස්සෙ අහුවුණේ මේ ශිෂ්‍යායි. චෝදනාවක් විතරක් එල්ල වුණු, ඒක තහවුරු වෙන සාක්ෂි මොකුත් ඒ වන තුරු නොලැබුණු පාසල් ළමයෙක්ගෙ නම්බුව අන්තිම නින්දිත විදිහට තම තමුන්ගෙ මාළු ලෑලි මාධ්‍යවල තියාගෙන එයාලා කෑලි කප කපා විකුණුවා. සල්ලි කන්දක් ඉස්සරහ උනත් පාහර වැඩක් නොකර ඉන්න ජනමාධ්‍යවේදියෙක් ඉගෙන ගන්න ඕනි. ඒත් අවාසනාවට මේක ලංකාව.

අවසානයෙදි ළමයා උසාවියෙන් නිදහස් උනා. ඒත් ඒ ළමයගෙ අනාගතය වෙනුවෙන් එයා ළඟ ඉන්න අයට බොහොම බුද්ධිමත්ව වැඩ කරන්න වේවි. ඒ වගේම මෙතනින් හරි පාඩමක් ඉගෙන ගෙන මේ රටේ පොලීසියත් මාධ්‍යත් සිද්ධියකදි පස්ස පැත්තෙන් කල්පනා කරනවා වෙනුවට ඔළුවෙන් කල්පනා කරලා වැඩ කරන්න ගන්න වේවි. එතකල් එක පැත්තකින් අපරාධකාරයො නිදැල්ලෙ ඉද්දි හොඳට ඉන්න උන් අපරාධකාරයො වෙන්න බලෙන් තල්ලු කරන තත්වෙ එහෙම්ම තියේවි. හොඳම දේ දරුවන්ට කියලා හත් පොලේ අතගහන් කයිවාරු ගැහුවට වැඩක් වෙන්නෙ නෑ, කොයි දරුවත් දරුවෙක් කියලා හිතන්න පුරුදු වෙන්න ඕනි.

Leave a comment

Gossip

රනිල්ගේ දරුවෝ ගේම ඉල්ලලා

රනිල්ගේ දරුවෝ ගේම ඉල්ලලා

ශ්‍රී ලංකා පොදුජන පෙරමුණේ විධායක සභා රැස්වීමක් පසුගිය 27 වෙනිදා පැවැත්විලා තිබුණා. ඒ, හිටපු ජනාධිපති...

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

උමාලි තිලකරත්න කියලා කියන්නේ හැමෝම ආදරය කරන රංගන ශිල්පිණියක්. ඇය ඉතාම ආදරෙන් විවාහා වී සිටියේ සාරංග...

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

"පාස්කු ප්‍රහාරය සැබෑ ලෙසම කළේ කවුරුන්ද කියලා තවම කිසි කෙනෙක් කියලා නෑ. ඒක මම දන්නවා කවුද කළේ කියලා"

ප්‍රමිතියේ ගැටලුවක් නිසා mc ලංකාව හැර යන්න සුදානමින්

ප්‍රමිතියේ ගැටලුවක් නිසා mc ලංකාව හැර යන්න සුදානමින්

මෙරට පිහිටි සියලුම මැක්ඩොනල්ඩ් අවන්හල් ශාඛාවන් නැවත දැනුම් දෙන තුරු වසා දමා තිබේ.

Connet With Us