මේ බයියන් සිතා සිටියේ මහින්ද උන්නැහේ සමඟ කරත්ත රෝදය තල්ලු කරගෙන ගොස් අගමැති කම් කොරන්නටය. එහෙත් ඒ වැඩේ වැරදී ගිය බව දැන ගත් සැනින් මහින්ද උන්නැහේ කිවේ මා ආයේ මැතිවරණයට එන්නේ ශ්රී ලනීප ප්රමුඛ සන්ධානයෙන් බවය. ඒ කියන්නේ යළි ඔහුට මහමැතිවරණයකට ඉදිරිපත් වීමේ හැකියාව නැති බව අන්යාකාරයකින් ප්රකාශයට පත් කිරීමය. මෛත්රීපාල සිරිසේන ජනාධිපති පුටුවේ සිටිනකම්, චන්ද්රිකා මැඩම් ඔහු පිටුපසින් සිටිනකම් මහින්දට කිසිදාක හෝ ශ්රී ලනීපයෙන් ඡන්දය ඉල්ලනනවා බොරුය.
මේ නිසා බයියන් සිටින්නේ වියරුවෙනි. යහපාලන පුස්සක් බව කියති. කොටි එනවා කියති. රට බෙදෙනවා කියති, ජාතික ගීය වෙනස් කළ බව කියති, වංචා දුෂණ වෙන බවත් කියති, ඒ අස්සේ කෝ හොරු ඇල්ලුවාද අසති( මේ හොරු කියන්නේ ඔවුන්ගේ පිළේ පිරිස බව සමහරුන්ට අමතකව තිබේ) එස් බීලා පවිත්රලා ඩිලාන්ලා ආණ්ඩුවට එකතු වූ විට උන් හොරු දූෂිතයන් බව කියති.මේ ආදී නා නා ප්රකාර එකක් එකට නොපැහෙන බැන අඬ ගැසීම සිදුවෙයි.
බයියන්ට නායකත්වය දෙන වුන් අතරත් ඇත්තේ එකිනෙකට වෙනස් කතාවන්ය. ගම්මන්පිලයා ජාතික ගීය දෙමළෙන් ගැයීමට එරෙහිව කඩුව වන වන සිටී.වාසුදේව ජාතික ගීය දෙමළෙන් ගැයීමට ඉඩ දීම ගැන කෙළවරක් නැතිව සතුටු වෙයි, වීරවංශයා ජාතික ගීය දෙමළෙන් ගැයීමට විරුද්ධ වෙන කොට මහින්ද උන්නැහේ ඒක මගේ යෝජනාවක් බව ඒක එදා ජාතිවාදීන් කරන්නට ඉඩ දුන්නේ නැති බව කියයි. ගම්මන්පිළ වීරවංශ වාසුලා දිනේෂ්ලා ජාතික ආණ්ඩුවට එරෙහි වන විට මහින්ද ඊට සුභ පතයි.. තමන් එදා ජාතික ආණ්ඩුවක් හදන්න උත්සහ කළ වෙලේ එජාපය ඊට ඉඩ දුන්නේ නැති බවට මැසිවිලිද නඟයි. එදා ජාතික ආණ්ඩුවක් හැදුවා නම් අද මෛත්රී කළ මේ වැදගත් පියවර ගැන වන ගෞරවය ඔහුට ලබන්නට තිබුණු බව මහින්දගේ අදහසයි.
මේ ආදී වශයෙන් යන්න කොහෙද කියා ඇහුවාම මල්ලෙ පොල් කියා ගන්න වත් බැරිව අසරණව සිටින බයියන් ගේ දේශපාලන විපරීතභාවය අද නොම්මර එකේ විහිලුවක් බවට පත්ව තිබේ.
වෙන කරන්න දෙයක් නැත. ලාබෙට දෙන ආප්පයක් කා කොත්තමල්ලි වීදුරුවක් බී වෙන දෙයක් බලාගෙන සිටින්න කියනවා හැර අපිට කීමට දෙයක් නැත.
- ජනතා පාක්ෂිකයා
