ප්‍රශ්නය: වෛද්‍යතුමනි, මොකක්ද මේ ‘හයිපබැරික් ඔක්සිජන් ප්‍රතිකාරය’ (Hyperbaric Oxygen Therapy) කියන්නේ?

පිළිතුර:
සරලවම කිව්වොත්, මෙය විශේෂිත පීඩන කුටීරයක් (Pressurized Chamber) තුළ ඉඳගෙන 100% ක්ම පිරිසිදු ඔක්සිජන් ලබාගන්නා විශේෂිත වෛද්‍ය ප්‍රතිකාර ක්‍රමයක්. අපි සාමාන්‍යයෙන් ආශ්වාස කරන වාතයේ තියෙන්නේ 21% ක ඔක්සිජන් ප්‍රමාණයක්. නමුත් මේ හයිපබැරික් කුටීරය ඇතුළේදී සාමාන්‍ය වායුගෝලීය පීඩනයට වඩා දෙගුණයක් හෝ තෙගුණයක් වැඩි පීඩනයක් යටතේ 100% ක් පිරිසිදු ඔක්සිජන් ශරීරයට ලබා දෙනවා. එමගින් අපේ පෙනහළු හරහා වැඩි ඔක්සිජන් ප්‍රමාණයක් ලබාගෙන රුධිරයේ රතු රුධිරානු පමණක් නොව රුධිර තරලය හරහා මුළු සිරුරේම සෛල හා පටක වෙත ලබාදීමට හැකියාව ලැබෙනවා.
මෙම උපකරණය ශ්‍රී ලංකාවට ගෙන එන්නේ Deep Sea Commercial Limited හි නිපුණ ද සිල්වා මහතා විසින් කිමිදුම්කරුවන්ගේ ගැඹුරු මුහුදේ දී සිදුවන ආබාධවලට ප්‍රතිකාර කිරීමටයි. පසුව අපි කතා වෙනවා මේ මගින් ශ්‍රී ලංකාව තුළ ක්‍රීඩා ක්ෂේත්‍රයට, සුව නොවන තුවාල ඇතුළු ප්‍රතිකාර ගණනාවකට ශ්‍රී ලංකාවේ ජනතාවට හොඳ ප්‍රතිඵල ලබාගන්න පුළුවන් අලුත් තාක්ෂණයක් කියලා. ඒ නිසයි අපි කිමිදුම් ආබාධවලට අමතරව රූපලාවණ්‍ය, ක්‍රීඩා ආබාධ, සුව නොවන තුවාල ඇතුළු ක්ෂේත්‍ර කිහිපයක ප්‍රතිකාර සඳහා යොමු වෙන්නේ.

ප්‍රශ්නය: මේ ප්‍රතිකාරය ලබාගන්නා විට රෝගියාට මොන වගේ අත්දැකීමක්ද ලැබෙන්නේ?

පිළිතුර
එය ඉතාමත්ම සැහැල්ලු සහ සුවපහසු අත්දැකීමක්. පුද්ගලයන් 5-6 දෙනෙකුට වුවත් ඉන්න පුළුවන් ඉඩකඩ සහිත පීඩන කුටීරයක පැය 2 ක වගේ කාලයක් තනියම හෝ ගත කරන්න පුලුවන්. කුටීරය තුළ ඉතා සැහැල්ලු පරිසරයක් තියෙන නිසා කාලය ගතවෙනවා දැනෙන්නෙවත් නැහැ. ප්‍රතිකාරයෙන් පසුව සිරුරට විශාල සැහැල්ලුවක් දැනෙන අතර, එදින රාත්‍රියේ පැය හතක නවයක පමණ දීර්ඝ කාලයක හොඳ, සුවදායක නින්දක් ලබාගන්න පුළුවන් වෙනවා.

ප්‍රශ්නය: මෙය වඩාත්ම සුදුසු වන්නේ කුමන ආකාරයේ රෝගී තත්ත්වයන් හෝ පුද්ගලයන් සඳහාද?

පිළිතුර:
මේ ප්‍රතිකාරය ප්‍රධාන වශයෙන්ම ක්‍රීඩා ආබාධ (Sports injuries) ඇතිවූ අයට සහ ක්‍රීඩාවේ උපරිම දක්ෂතා අතර සිටින අයට ඉක්මන් සුවය ලබාගන්න ඉතා වැදගත්. ඊට අමතරව:
කල්ගත වූ සහ ලෙහෙසියෙන් හොඳ නොවෙන තුවාල (Chronic wounds) සුව කිරීමට
කිමිදෙන්නන්ට වැළඳෙන ආබාධ (Diving decompression sickness)
අංශභාග (Stroke) තත්ත්වයන්ගෙන් පසුව නැවත යථා තත්ත්වයට පත්වීමට
මානසික ආතතිය (Stress) සහ විශාදය (Depression) තත්ත්වයන් අවම කිරීමට
නව රුධිර නාල, පටක සහ සම අලුත්වැඩියා කිරීමටත් මෙය ඉතාමත් සුදුසුයි.

ප්‍රශ්නය: බොහෝ දෙනෙක් කතාබහ වන දෙයක් තමයි මේ ප්‍රතිකාරයෙන් "ලස්සන වෙන්න සහ තරුණ වෙන්න" පුළුවන්ද කියන එක. ඒක ඇත්තක්ද?

පිළිතුර:
ඔව්, අනිවාර්යයෙන්ම! මේ ප්‍රතිකාරයේ තවත් විශේෂත්වයක් වන්නේ Anti-aging (වයස්ගත වීම පාලනය කිරීම) සහ සමේ පැහැය වර්ධනය කිරීමයි. වැඩි පීඩනයකින් ලබාදෙන ඔක්සිජන් මගින් ශරීරයේ කොලජන් (Collagen) සහ ඉලස්ටින් (Elastin) නිෂ්පාදනය වේගවත් කරනවා. එමගින් සමේ තරුණ බව සුරැකෙන අතර, සමට පැහැපත් සහ ප්‍රභාමත් පෙනුමක් ලබාදෙනවා. රූපලාවන්‍ය හා සමේ සෞඛ්‍යය ඉහළ නැංවීමට මෙය "Next-level" ප්‍රතිකාරයක් ලෙස හඳුන්වන්න පුළුවන්.

ප්‍රශ්නය: අද කාලේ ලස්සන වෙන්න කියලා වෙළඳපොළේ තියෙන රසදිය/ආසනික් අඩංගු අහිතකර ක්‍රීම් වර්ග ගාලා සම විනාශ කරගන්න අය ඕනෑතරම් ඉන්නවා. මේ ප්‍රතිකාරය මගින් ඒ වගේ අහිතකර ආලේපන වලට මිනිස්සු යොමු වෙන එක නවත්තන්න පුළුවන්ද?

පිළිතුර:
අනිවාර්යයෙන්ම! ගොඩක් අය ක්ෂණිකව සුදු වෙන්න හිතාගෙන රසදිය (Mercury), ස්ටෙරොයිඩ් (Steroids) සහ නොයෙකුත් අහිතකර රසායනික ද්‍රව්‍ය අඩංගු "බ්ලීචින් ක්‍රීම්" වර්ග භාවිතා කරලා සමටත්, සෞඛ්‍යයටත් ලොකු හානියක් කරගන්නවා. නමුත් හයිපබැරික් ප්‍රතිකාරය කියන්නේ කිසිම අහිතකර රසායනික ද්‍රව්‍යයක් පිටතින් ගාන්නේ නැතුව, ශරීරයේ අභ්‍යන්තරයෙන්ම සම ලස්සන කරන ඉතාමත් ආරක්ෂිත විද්‍යාත්මක ක්‍රමයක්.
අහිතකර ආලේපන වලින් වෙන්නේ සමේ උඩ ස්තරය කෘතිමව ගලවා දැමීම වැනි හානිකර දෙයක්. නමුත් හයිපබැරික් ප්‍රතිකාරයේදී වෙන්නේ 100% Pure Oxygen මගින් සමේ ගැඹුරු ස්තරවල ඇති සෛල ප්‍රබෝධමත් කරලා, සිරුරට අවශ්‍ය කොලජන් (Collagen) සහ ඉලස්ටින් (Elastin) ස්වාභාවිකවම නිෂ්පාදනය වැඩි කරන එකයි.
ඒ නිසා කෘතිමව සම විනාශ කරගන්නවා වෙනුවට, සිරුරට කිසිම හානියක් නැතිව සමට ස්වාභාවික දීප්තියක්, තරුණ බවක් සහ පැහැපත් බවක් ලබාගන්න පුළුවන් හොඳම සහ ආරක්ෂිතම විකල්පය මේ ප්‍රතිකාරයයි.

ප්‍රශ්නය: යම් කෙනෙක් දැනටමත් ඒ වගේ අහිතකර ක්‍රීම් වර්ග ගාලා සමට හානි කරගෙන (Skin Damage) තියෙනවා නම්, මේ ප්‍රතිකාරයෙන් ඒ හානිය යථා තත්ත්වයට පත් කරගන්න පුළුවන්ද?

පිළිතුර:
ඔව්, ඒක මේ ප්‍රතිකාරයේ තියෙන තවත් ලොකු වාසියක්. අහිතකර ක්‍රීම් වර්ග නිසා සමේ සෛල විනාශ වෙලා, සම සිහින් වෙලා හෝ අඳුරු ලප (Dark spots/Hyperpigmentation) ඇවිත් තියෙන අයට මේ ප්‍රතිකාරය මගින් නව සෛල සහ නව රුධිර නාල (New Blood Vessels) වර්ධනය කරවනවා.
සරලවම කිව්වොත්, විනාශ වූ සමේ පටක ඉක්මනින් අලුත්වැඩියා (Repair) කරලා, සමේ ස්වාභාවික ආරක්ෂිත ස්තරය (Skin Barrier) නැවත ගොඩනගන්න හයිපබැරික් ඔක්සිජන් ප්‍රතිකාරයට විශාල හැකියාවක් තියෙනවා.

ප්‍රශ්නය: මේ ප්‍රතිකාරයේදී යම් අතුරු ආබාධ (Side effects) ඇතිවීමේ ඉඩකඩක් තියෙනවාද?

පිළිතුර:
සාමාන්‍යයෙන් මෙය ආරක්ෂිත ප්‍රතිකාරයක්. නමුත් පීඩනය වෙනස් වීම නිසා ඇතැම් අයට කන් වල සුළු වේදනාවක් හෝ තද ගතියක් (Ear injuries/pressure), කෝටරක (Sinus congestion) තද වීමක් හෝ කුඩා කුටීරයක් තුළ සිටීමේදී ඇතිවන භය (Claustrophobia) වැනි සුළු අතුරු ආබාධ ඇතිවෙන්න පුළුවන්. ඒ නිසා වෛද්‍ය උපදෙස් මත මෙය සිදුකිරීම සුදුසුයි.

අවසාන වශයෙන් මේ ප්‍රතිකාරය ගැන ඔබට කියන්න තියෙන්නේ කුමක්ද?

පිළිතුර:
හයිපබැරික් ඔක්සිජන් ප්‍රතිකාරය කියන්නේ අපේ සමස්ත ශාරීරික හා මානසික සෞඛ්‍යයටම (Overall Health) එකසේ උපකාරී වන, සිරුරේ අභ්‍යන්තර සෛල අලුත්වැඩියා කරමින් ප්‍රබෝධමත් බවක් ලබාදෙන ඉතා අගනා නූතන වෛද්‍ය ප්‍රතිකාර ක්‍රමයක්.