බුදු දහමේ පවා සිතීමේ හා විමසීමේ නිදහස පිළිබඳව ඉතාමත් ම හරවත් ඉගැන්වීම් සඳහන් වෙනවා. ප්රශ්නයක් මතුපිටින් බලා තීන්දු තීරණ ගැනීමෙන් සිදුවන්නේ තවත් කෙනෙකු ගැටලු සහගත තත්ත්වයකට පත්කිරීමයි. ඒවාගේම සිත් රිදීමකදී, මානසික පීඩාවකදී සියදිවි නසාගැනීම පැමිණි ගැටලුවට විසඳුමක් වන්නේ නැහැ.
59 හැවිරිදි උවරගල ජාතුන්ගේ බන්ධුසේන එක්දරු පියෙකි. ඔහු පදිංචිවසිටියේ පිටබැද්දර ප්රාදේශීය ලේකම් කොට්ඨාශයේ කොස්මිල්ගොඩ නම් වසමෙහිය.
පසුගිය 22 දා ඔහු මෙලොවින් සමුගෙන තිබිණ. ඒ තම මවට නොසැලකුවා යැයි මිනිසුන් ඉදිරියේ බැන වැදීම හේතුවෙනි. මිය ගිය පුවත ලද බන්ධුසේනගේ මවත් ඊට පසු දවසේ එනම් 23 දා මෙලොවින් සමුගොස් ඇත්තේ කාගේත් සිත් තුළ ශෝකය ඇති කරවමිනි.
සිද්ධිය සම්බන්ධයෙන් රාගම වෛද්ය පීඨයේ ළමා හා යොවුන් මනස පිළිබඳ විශේෂඥ මහාචාර්ය මියුරු චන්ද්රදාස මහතා සඳහන් කළේ,
"ජීවිතයට හානි කරගැනීමේ අදහසක් ආවොත් අපිට කරන්න ලේසිම දේ තමයි වෛද්යවරයෙකුට කතා කරන එක. එහෙම නැතිනම් කිසිම මුදලක් වැය කරන්නේ නැතුව 1926 දුරකථන අංකයට ඇමතුමක් දෙන්න."
-RS
