ඒ මන්ද යත් එක්සත් ජාතික පෙරමුණු සන්ධානය, දෙමළ ජාතික සන්ධානය ඇතුලු රටේ බහුතරයේ සමස්ථ ජනාධිපතිවරණ අපේක්ෂකයා ලෙස එක්සත් ජාතික පක්ෂයේ නියෝජ්‍ය නායක සජිත් ප්‍රේමදාස තෝරා පත්කර ගැනිමට ඒ සියලු පාර්ශ්ව මේ වන විට කොන්දේසි විරහිත ඒකමතික තීන්දුවකට එළඹ ඇති නිසාය.
මෙහිදී අවධාරණය කළ යුතු වැදගත්ම දේ නම් සජිත් ප්‍රේමදාස එජාපයේ ජනාධිපති අපේක්ෂකයා ලෙස නම් කිරීම දක්වා වන සිදු කළ දේශපාලන මෙහෙයුම ලත් ජයග්‍රහණයයි. සජිත්ට එරෙහිව එජාපයේම ප්‍රභූ කණ්ඩායම් වෙතින් එල්ලවූ අභියෝගය ඔහු පරාජය කිරීමට සමත් විය.. එජාපය කියන්නේ මේ රටේ ප්‍රභූ පැලැන්තියේ ප්‍රජාතන්ත්‍රවාදී දේශපාලන පක්ෂයයි. රටේ දේශපාලනය මෙහෙයවීමේ දී කෙතරම් දුරට ප්‍රජාතන්ත්‍රවාදී වූවත් පක්ෂයේ බලය සිය ප්‍රභූ පැලැන්තියෙන් පිටතට යෑමට ඉඩ දුන්නේ නැත..ඒ කඩා බිඳ දැමූ දෙවන අවස්ථාව සජිත් ප්‍රේමදාස ජනාධිපතිවරණ අපේක්ෂකයා ලෙස නම් කිරීමය. ප්‍රථම අවස්ථාව ඔහුගේ පියා වන රණසිංහ ප්‍රේමදාස ජනාධිපතිවරණ අපේක්ෂකයා ලෙස නම් කිරීමේ අවස්ථාවයි.
රණසිංහ ප්‍රේමදාස මෙන්ම සජිත් ප්‍රේමදාසද එජාප දේශපාලනයේ බලවත් බලවේගයක් වන නාගරික පහළ පන්තිය ග්‍රාමීය ජනයා නියෝජනය කළ පොදු මහජන බලවේගයේ ප්‍රබලතම නියෝජිතයන්ය. එජාපයේ ජන්ද පදනම පැවැතියේ එතැනය. ආර් ප්‍රේමදාස නැතිව කිසි දිනෙක ජේ ආර් ජයවර්ධනට රටේ බලය ඇල්ලීමට හැකි වන්නෙ නැත. අදත් එජාපයේ ඡන්ද පදනම රැකී පවතින්නේ රණසිංහ ප්‍රේමදාස උරුමය තව දුරටත් පවත්වාගෙන යෑමට ඊට නායකත්වය දෙමින් සජිත් ප්‍රේමදාස සමත්ව තීබීම නිසාය. එජාපයේ වර්තමාන ප්‍රභූ නායකත්වය කෙතරම් අසාර්ථක වූවත් එජාපය නොසිදෙන දිය දහරක්ව පවතින්නේ ප්‍රේමදාස උරුමයේ මහිමයෙනි.
සජිත් ප්‍රේමදාස ජනාධිපති අපේක්ෂකයා ලෙස නම් කිරීම දක්වා වූ කාලය තුල මේ රටේ දේශපාලනයේ ඇති පන්ති ස්වභාවය, කුල ප්‍රශ්නය, මධ්‍යම පාංතික සංකෘතික චර්යාව, ආදිය ගැන විශේෂ සාකච්ඡාවක් නිර්මාණය වී තිබිණි.. සජිත් ප්‍රේමදාසට එරෙහිව එල්ල කෙරුණු අවලාද මඩ ගැසීම් වල මේවා පැහැදිලිවම පෙන්නුම් කෙරිණි. එහෙත් ඒ සියල්ල ජය ගැනීමට අවසානයේදි සජිත් සමත් විය. ඔහු සමඟ සිටි කණ්ඩායම සජිත් අත් නොහැර ජයග්‍රහණය තෙක් ඔහු සමඟ සිටීම කැපී පෙනුනු තත්වයකි. එජාපය හැර ගිය කොටස් වැඩි වේගයකින් එජාපය කරා නැවත රොක් වීම පෙනෙන්නට තිබිණි.
එසේම සියලු ජාතීන් ආගමිකයන් නියෝජනය කරන රටේ ප්‍රබලතම පක්ෂ සහ කණ්ඩායම් සජිත් ප්‍රේමදාසගේ ජයග්‍රහණය වෙනුවෙන් පෙළ ගැසීම සිදු විය. ඒ අතිශයිම වැදගත් වන්නේ රටේ ජනාධිපති අපේක්ෂකයා එක් කණ්ඩායමක් එක් ජාතියක් එක් ආගමක් එක් ප්‍රදේශයක් එක් පක්ෂයක් නියෝජනය කරන්නකු වෙනුවට සමස්ථ පුරවැසියා නියෝජනය කරන බහුවාර්ගික අනන්‍යතාව නියෝජනය කරන පුද්ගලයකු වීමය.
සජිත්ගේ ප්‍රධාන ප්‍රතිවාදියා වන්නේ.. මිනීමරු හිට්ලර් පන්නයේ සිංහල බෞද්ධ ජාතිවාදී ත්‍රාඩ මජර ඒකාධිපති වියරුවෙන් පෙළුනු රාජපක්ෂ පවුලේ නන්දසේන ගොඨාභයය. 2015 පරාජයට පත් කළ මේ නරුම දේශපාලනය තවත් වටයකින් පෙරටත් වඩා වැඩි බරකින් නැවත පරාජය කිරීමේ පහසු අවස්ථාවක් දැන් ශ්‍රීලංකීය ප්‍රජාතන්ත්‍රවාදී පුරවැසියාට ලැබී තිබේ. ශ්‍රීලංකීය පුරවැසියා මේ වෙනුවෙන් පෙළ ගැසීම අමුතුවෙන් කිව යුතු දෙයක් නොවේ. සාමය සංහිඳියාව නිදහස සමානාත්මතාවය ප්‍රජාතන්ත්‍රවාදය ඉහළින් ගරු කරන බහුතරයක් වූ ශ්‍රිලාංකික ප්‍රජාව ඒ වෙනුවෙන් වූ පොදු මහජනතාවගේ අපේක්ෂකයා වන සජිත් ප්‍රේමදාස රටේ ජනාධිපතිවරයා ලෙස තෝරා ගැනීම ගැන දෙවරක් සිතන්නෙ නැත. මෙවර ජනාධිපතිවරණයේ ජයග්‍රාහකයා මේ වන විට තීරණය වී තිබෙන බව අප මුලින්ම කීවේ ඒ නිසාය. ඒ ගැන කිසිදු දෙගිඩියාවක් තබා ගත යුතු නැත.
