නාමල්ගේ හත්දාහේ මඟුල් කෑම Featured

Sunday, 15 September 2019 23:19

A dinner followed at the Rajapaksa’s home Carlton House at Weeraketiya on Thursday. Some 7,000 invitees attended the wedding banquet.  -the sunday times

හත්දොහේ මඟුල් කනවා කියන්නේ හත්දහසකට මඟුල් කන්න ආරාධනා කරන එක නොවේය.. ඒ දින හතක් මඟුල් කෑමය..

දින හතක් මඟුල් කෑම කියන්නෙද එහෙම ලෙහෙසි පාසු දෙයක් නොවේය. හතේ හත වැදිලා හන්ටර් වෙච්චවුන්ට නම් එහෙම මඟුල් කන්නට බැරිය. ඒත් එහෙම හත්මුතු පරම්පරාවටම එන්නැයි කියා  මඟුල් කන්න පුලුවන් කමක් තිබෙන අය හිටියාට  හත්දහසකට මඟුල් කන්න එන්නැයි කියන්න නම් ඒකා එසේ මෙසේ  පුතයකු නොවිය යුතුය.

 මඟුල් කන්න දෙනවා කියන්නේ  පොල් සම්බෝලයි බතුයි කන්න දෙන එකට නොවේ. යහමින් බත් පිඟාන සරසා ගැනීමට ජාති හත අටක්වත් තිබිය යුතුය. ඉස්සර නම් හත් මාළුව වරදින්නේ නැති උනත් දැන් කාලේ ඒවා නැත. හැත්තෑ හතේ ආණ්ඩුව පෙරළීමෙන් පස්සේ  පිටරට හැත්ත බුරුත්ත මෙහෙ එන්න ගත්තාට පස්සේ අපේ කෑම පීඟාන වෙනස් විය. මඟුල් ගෙදර කෑම ද එහෙම්ම වෙනස් විය.  හත් පොළේ ගාගන් නැතුව මඟුලක් කනවා නම් කෑමද එහෙම්ම ඒ කොලටියට තිබිය යුතුය. නැත්නම් මඟුල, හත් දවසේ දානේ ගානට වැටෙන්නේය.

ඒ මොන හත් ඉලව්ව හරි මේ කියන්න ගියේ  නාමල්ගේ මඟුල ගැනය. බලු අඩියට සෙනඟ හතක් කිව්වා වගේ නාමල්ගේ මඟුලට හත් දහසක් ආවේය. කෑම පිඟන් හත් දහසක් ලැහැස්ති විය. ඒ තරු හතේ හොටල් කෑමට නොදෙවෙනි කෑම පිඟානෙකි.  හත් දින්නත් තරු පේන රෑ වෙනකම් මේ මඟුලේ කෑම මේසය හිස් නොවීය. කොළඹ හතෙන්ද , හත් කෝරලයෙන්ද ,වන්නි හත් පත්තුවෙන්ද, දෙමළ හත් පත්තුවෙන්ද, ආදී ලෙස හත් අට දිසාවෙන්ම මාගම්පත්තුවේ මේ මඟුලට හත් දහසක් ආවේය. නාමල්ගේ සිකුරා හතේ වැඩ කරන්නට ගත් නිසා පතිනිය ලැබී තිබිණි. පතිනියන් හත් වර්ගයකි. ඕ මොක වුණත් මාල හතක් පලන්දාගෙන  නාමල්ගේ අතේ එල්ලී සිටියාය.

නාමල්ගේ මඟුලට හත් දහසක් ආවා කියා පුදුම වන්නට කාරි නැත. ලෝක පුදුම හත වගේ එහි විශේෂයක් නැත.  ඒ හිටපු ජනාධිපතිවරයාගේ පුත්‍ර රත්නය. අනාගත ඔ‍ටුන්න හිමි කුමාරයාය..ඒ  හත්දාහකට දුන්නු කෑම පිඟානේ පිරිවැය ගැන හත්දෙයියනේ කියා හුල්ලන්න දෙයක් නැත. හත්මුතු පරම් පරාවටම හම්බ කරගෙන ඇති රාජපක්ෂලාට මඟුල් කියන්නේ ලොකු මෙව්වා එකක් නොවේය. රටේ ඇත්තන් දන්නේ හත් වාසි සූදු කෙළින්න විතරක් උනාට රාජපක්ෂලා හත් දෙනා කෙළපු කෙළිල්ල දන්නේ ඔවුන්ය.  ඉරවල් හතක් පායා,වැසි හතක් වැටී ලෝක විනාශය සිදුවෙනවා කිව්වත් රාජපක්ෂ පවුලේ බල පුලුවන්කාරකම එහෙම ඉවර වෙන්නේ ද නැත. හත් පෙති මල තියා උන්නේ ඔවුන් අතය. 

හිතෝපදේශයේ කියන මරණීය පාප හතම බුක්ති විඳිමින් දෙවියන් යදිමින් හිටියා හැර රටේ ඇත්තන්ට වෙනතක් තිබුණේ නැත. ඒ කිවේ හැමදාමත්  දින හතේම අපල උවදුරුය. ඒවා හත් අඩියේ දෙහි කැපුවාට හරි ගියේ නැත.  මොකක් හරි උනාම ජූලි හතයි කියා කරබාගෙන ඉදීමෙන් වැඩ වුනේ ද නැත. හෙණ හත වැදියන් කියා සාප කෙරුවාට ඒවා වැදුනේ නැත. එහෙමත් නැතුව මේ මඟුල හරියන් නෑ කියා මුහුදු හතක් තරණය කර පිටරටක වාසයට යන්නට ගිය අය ද සිටියෝය.   

 ඒත් මේ  රටේ ඇත්තෝ හත් පණ කතන්දරයේ මෙන් අනියත බියකින්  රාජපක්ෂලාට බය පක්ෂපාතීව සිටින තාක් කල් වාසනාවන්ත හතේ ඉලක්කමේ  වාසියවත්  හිමි වෙන්නෙ නැති බව  ජනවාරි හත් වෙනිදා වෙනකොට පසක් කර ගත් අය ද සිටියෝය.  ඒ ඈයෝ පහුවදා ගත් තීරණෙන් තවමත් රටක් කියා යමක් ඉතිරිය. හීන හතක් මැද විමනක් සැදුණයි කියන්න තරම් දෙයක් නොවුණේමුත් දැන් රට දැය යන කල හොඳය.

කෝඳුරු තෙල් හත් පට්ටයකුත් තව ටිකකුත් ඕනෑ වෙන්නේ නොකෙරෙන වෙදකමටය. ඒත් රාජපක්ෂ මකරුන් හත් දෙනා නැවත වලක්වන්න හත් අඩිය නටන්න ඕනෑ නොවේ. උදේ හතට සිහියෙන් ඡන්ද පොළට ගියාම ඇතිය.

                         

Last modified on Sunday, 15 September 2019 23:29

Leave a comment

Gossip

පාස්කු කොමිසමේ වාර්තාව කැබිනට්ටුවට දුන්නේ කාගෙවත් බලපෑමකට නොවේ.

පාස්කු කොමිසමේ වාර්තාව කැබිනට්ටුවට දුන්නේ කාගෙවත් බලපෑමකට නොවේ.

පාස්කු කොමිසමේ වාර්තාව කැබිනට් මණ්ඩලයට සහ කථානායකවරයාට ලබාදුන්නේ විපක්ෂයෙන් හා කාදිනල් හිම...

රනිල් - සජිත් හමුවෙති...

රනිල් - සජිත් හමුවෙති...

එක්සත් ජාතික පක්‍ෂ නායක රනිල් වික‍්‍රමසිංහ සහ විපක්‍ෂ නායක සජිත් ප්‍රේමදාස අතර විශේෂ හමුවීමක් සිදුව...

ජනපති කෙරෙහි ඇතැම් භික්ෂුන්ගේ විරෝධයට හේතුව කුමක්ද?

ජනපති කෙරෙහි ඇතැම් භික්ෂුන්ගේ විරෝධයට හේතුව කුමක්ද?

පසුගිය ජාතික නිදහස් දින උලෙළ හමුවේ ජනාධිපති ගෝඨාභය රාජපක්ෂ කළ ප්‍රකාශයෙහි අවධාරණ කරනු ලැබු වැදගත් කර...

හරීන්ටත් සජිත්ගේ නායකත්වය ඇති වෙලා...රනිල්ට දුක කියලා

හරීන්ටත් සජිත්ගේ නායකත්වය ඇති වෙලා...රනිල්ට දුක කියලා

සමගි ජන බලවේගයේ ක්‍රියාශීලී මන්ත්‍රීවරයකු මෙන්ම එහි උප සභාපති පාර්ලිමේන්තු මන්ත්‍රී හරීන් ප්‍රනාන්දු...

Connet With Us